Palluni (sport)

Dâ Wikipedia, la nciclupidìa lìbbira.
Pi l'àutri significati dû tèrmini «palluni» taliati: Palluni (disambigua)
Nu campu di palluni e li lìni chi definisciunu li vari zoni.

Lu jocupalluni eni lu sport di squatra cchiù diffusu e canusciutu ntô munnu, si joca intra un campu longu circa centu metri e largu sittanta, li jucatura sù spartùti intra dù squatri di ùnnici cumpunenti l'una, di cui unu è lu purteri ca pò pigghiari a palla cu li manu intra la sò ària e tutti l'àutri sù jucatura ca ponnu tuccari la palla sulu cu li pedi o cu la testa o comu è gghiè cu tutti li parti di lu corpu sparti li manu e li vrazza.

Lu jocu cunzisti nni lu mannari la palla intra la porta di l'àutri, cà è na zona di lu campu limmitata di tri pali, dù a l'addritta e unu ppi nchianu misu 'n capu e arriggiutu di chiddi susuti. Sta porta è longa setti metri e rutti. Li jucatura sù spartuti, a parti lu purteri, intra tri tipi di roli funnamintali, li difinzura, li centrucampisti e l'attaccanti. Asìstinu diversi urganizzazioni ca cuurdìnanu lu munnu dû palluni a liveddu munniali (FIFA), europeu (UEFA) e nazziunali, 'n Italia l'òrganu ca cuntrolla lu palluni si chiama FIGC.

Lu palluni ntô sud di l'Italia e Isuli[cancia | cancia la surgenti]

Lu palluni è sicuramenti l'attivitati spurtiva cchiù praticata dî li picciotti dû sud di l'Italia, Sicilia e Sardigna. A liveddu prufissiunisticu, pirò, li squatri dû sud e isuli nun sunnu a liveddu e 'n quantità di chiddi dû nord. Siddu si eccettua lu Napuli di Diegu Maradona chi vincìu dui scudetti,lu Cagliari di Gigi Riva chi vinciu lu scudettu du '70, li suli squatri dû sud e isuli chi sunnu rapprisintati a liveddu àutu sunnu lu Palermu, lu Catania e la Riggina. Lu Missina, comu puru lu Bari e lu Lecce sunnu àutri squatri chi n tempura ricenti jucaru 'n Seria A, lu màssimu campiunati nazziunali. Tra li jucatura na traccia mpurtanti fu lassata dû sicilianu Totò Schillaci chi fu capucannunèri dû munniali jucatu 'n Italia ntô 1990. Lu Palermo havi tri finali di Coppa Italia e lu Catania arrivau 'n semifinali ntò 2007/2008.

Viditi puru:[cancia | cancia la surgenti]



Sport
| Catigurìa:Sport | Sport di squatra | Sport nnividuali |
Wikimedaglia
Chista è na vuci nzirita nni l'artìculi n vitrina, veni a diri ca è una dî mègghiu vuci criati dâ cumunità.
Fu ricanusciuta nnô 14 di giugnu 2008

S'hai traduciutu n'artìculu o hai criatu na vuci e riteni ca sia lu casu di fàrila canùsciri picchì è cumpreta n tuttu, signàlila. Naturalmenti, sunnu boni accittati suggirimenti e canciamenti chi mìgghiùranu lu travagghiu.

Signala na vuci          Archiviu         Vidi tutti l'artìculi n vitrina