Silvio Milazzo

Silvio Milazzo
Prisirenti dâ Riggiuni Siciliana
Durata mannatu	30 di uttùviru 1958 – 23 di frivaru 1960
Pridicissuri	Giuseppe La Loggia
Succissuri	Benedetto Majorana della Nicchiara
Dati ginirali
Partitu puliticu	Dimucrazzìa Cristiana Unioni Siciliana Cristianu Suciali

Silvio Milazzo (Caltaggiruni, 4 di sittèmmiru 1903 – Catania, 24 di dicèmmiru 1982) hà statu nu puliticu sicilianu.

Biografìa

Appartinenti a na famigghia aristucratica, fu nu seguaci di lu funnaturi di lu Partitu Pupulari Talianu nzèmmula a Mario Scelba. Nnô 1927 addivintau sinnacu di Caltaggiruni e diritturi nnô 1931 di la Cassa San Giacomo, funnata da don Luigi Sturzo. Fu sicritariu pruvinciali di la Dimucrazzìa Cristiana ri Catania nta lu 1946, diputatu a l'Assimbrea Riggiunali Siciliana pi tri liggislaturi (1947-1958) e assissuri riggiunali a li travagghi pubblici nta lu I, II e IV guvernu, assissuri a l'agricultura nta lu III, V e VII guvernu e assissuri a la sanitati nnû VI guvernu. Nnû uttùviru 1958 veni elettu Prisirenti di la Riggiuni Siciliana, e arristau 'n càrica nfinu a la fini di la tirza liggislatura. Nnô giugnu 1959, a lu rinnovu di l'ARS, addivintau leader di lu novu partitu USCS. Milazzo furmau na cualizzioni particulari furmata da neufascismu, cumunismu, munarchi e ripùbbricani. La sò opirazzioni pulitica rumpiu lu putiri di la Dimucrazzìa Cristiana cu mpurtanti cunziguenzi su la pulitica nazziunali. La Chiesa Cattòlica criticau furtimenti la nizziativa pulitica, lu Sant'Uffizziu rinnuvau la scumunica a li cumunisti e la allargau a tutti chiddi ca comu lu muvimentu ri Milazzo si alliaava cu iddi. Lu guvernu trasiu 'n crisi quannu nu sò espunenti Benedetto Majorana della Nicchiara, cummintu dalla DC, accitau la càrica ri Prisirenti di Riggiuni. A li elizziuni riggiunali di lu 1963, lu partitu pigghiau lu 0,8% di voti e nuddu siggiu.

Noti

Pridicissuri:	Prisirenti di la Riggiuni Siciliana	Succissuri:
Giuseppe La Loggia	30 di uttùviru 1958 – 23 di frivaru 1960	Benedetto Majorana della Nicchiara