Dermoptera

? Dermoptera Èbbica dû fòssili: Paleocene - Ricenti
Classificazzioni scintìfica
Regnu: Animalia Filu: Chordata Classi: Mammalia Òrdini: Dermoptera Simpson, 1945

Li Dermoptera (Simpson, 1945) o Galeopiteci sunnu n'òrdini di mammìfiri placintari di l'Asia dû Sud Est, ditti macari lemuri vulanti, puru si, pû veru, nun sunnu nè lèmuri nè sannu vulari. Nfatti i Dermoptera sannu planari grazzi ô pataggiu ca si spanni di l'arti suvraniuri a chiḍḍi suttaniuri. Nfatti u nomu veni di l'ammiscata dî paroli grechi δέρμα (dérma) "peḍḍi" e πτερόν (pterón) "ala". U nomu Galeopiteci mmeci voli diri â littra "baḍḍottula-signa".

Discrizzioni

Sti armali su' longhi dî 35 ê 40 cintìmitri e pisanti di 1 a 2 chila. La testa è nica, cu l'occhi granni misi 'n avanti pi na visioni binuculari òttima e aricchi nichi e tunni. Comu si vidi ntô diagramma sutta, li Dermoptera pari ca sunnu mparintati stritti ê primati e a nu gruppu di mammìfiri estinti, li plesiadapiformi . Li sumigghianzi sunnu basati pi primu supra â struttura dâ caracozza e chiḍḍa di l'arti, ca assimìgghianu â furma di l'arti dî primati primitivi.

Tassunumìa

L'ordini cumprenni na sula famigghia viventi, li Cynocephalidae, ca ammunzeḍḍa du' gèniri, ciascunu cu na speci all'unu:

• Cynocephalus volans ca campa ntê Filippini;
• Galeopterus variegatus ca campa ntâ Malesia.

Euarchontoglires	Glires   Rodentia     Lagomorpha     Euarchonta   Scandentia       Dermoptera       †Plesiadapiformes     Primates