Pholidota
| Pholidota | |||||||||
|---|---|---|---|---|---|---|---|---|---|
 | |||||||||
| Classificazzioni scintìfica | |||||||||
| |||||||||
|
|
Li Pholidota (WEBER 1904) sunnu n'òrdini di mammìfiri placintati. L'unica famigghia ca ancora campa è Manidae. Quattru speci s'attròvanu nta l'Asia , mentri autri quattru s'attròvanu nta l'Àfrica Sub-Sahariana.
Nomu
[cancia | cancia la surgenti]Lu nomu di l'òrdini Folidota veni dû grecu anticu φολιδωτός - "vistutu di scagghi", di φολίς pholís " scagghia ".
Discrizzioni
[cancia | cancia la surgenti]Li Pholidota ànnu scagghi di chiratina ca sèrbinu pi prutiggilli, sìmili ntô matiriali a l'ugna, ca ci cummògghianu la peḍḍi; sunnu l'ùnici mammìfiri canusciuti cu sta carattirìstica. A sicunna dâ speci, stannu dintra ê zucchi vacanti di l'àrbuli o ntê pirtusa 'n terra.
Dieta
[cancia | cancia la surgenti]Sunnu nutturni e la so dieta è fatta suprattuttu di furmìculi e tirmiti, ca affèrranu usannu li so lingui longhi e mmiḍḍusi. Ùsanu lu ciauru pi truvari nzetti.
Cumpurtamentu
[cancia | cancia la surgenti]Di sòlitu su' armali sulitari, ca si ncòntranu sulu pi ncucchiàrisi e fari di unu a tri figghi, ca sunnu civati pi circa du' anni. Phataginus tetradactyla, di l'Àfrica, è attivu puru cû jornu, mentri l'autri speci pàssanu la jurnata durmennu, arricugghiuti a paḍḍa.
Classificazzioni e filugginìa
[cancia | cancia la surgenti]- Òrdini: Pholidota Weber, 1904
- Gèniri: † Euromanis Gaudin, Emry & Wible, 2009
- Famigghia: † Eurotamanduidae Szalay & Schrenk, 1994
- Suttòrdini: Eupholidota Gaudin, Emry & Wible, 2009
- Suprafamigghia: Manoidea Gaudin, Emry & Wible, 2009
- Famigghia: Manidae Gray, 1821
- Famigghia: † Patriomanidae Szalay & Schrenk 1998 [ sensu Gaudin, Emry & Pogue, 2006]
- Incertae sedis
- Gèniri: † Necromanis Filhol, 1893
- Suprafamigghia: † Eomanoidea Gaudin, Emry & Wible, 2009
- Famigghia: † Eomanidae Storch, 2003
- Suprafamigghia: Manoidea Gaudin, Emry & Wible, 2009
Na vota si cunzidirava l'òrdini Pholidota mparintatu strittu cu Xenarthra, ma l'ùrtimi studi ginètici dìcinu ca li so parenti cchiù vicini sunnu li carnivuri, furmannu la cladi Ferae. Si penza ca la spartuta ntra li carnìvuri e li Pholidota mmattìu 79,47 Ma (miliuni d'anni) arrè.
| L'òrdini di mammìfiri pi suttaclassi |
|---|
| Australosphenida: Monotremata
Marsupialia: Didelphimorphia · Paucituberculata · Microbiotheria · Notoryctemorphia · Dasyuromorphia · Peramelemorphia · Diprotodontia Placentalia: Afrosoricida · Macroscelidea · Tubulidentata · Hyracoidea · Proboscidea · Sirenia · Cingulata · Pilosa · Scandentia · Dermoptera · Primates · Rodentia · Lagomorpha · Insectivora · Chiroptera · Pholidota · Carnivora · Perissodactyla · Artiodactyla · Citacea |