Ducumentu pi l'Ortugrafìa dû Sicilianu
U Ducumentu pi l'ortugrafìa dû sicilianu[1] (o DOS) è u ducumentu vutatu ô pùbblicu chi a Cademia Siciliana usa pi fàrici vìdiri ê genti i so règuli ortugràfichi pâ lingua siciliana.
I règuli prisintati nna stu ducumentu nun sunnu spicìfici di na parrata (o varità diatòpica) sula; i règuli si stabbileru facennu cuntu di nu nzemi di cunzidirazzioni, ntra i quali a friquenza d'usu, l'attistazzioni littiraria e l'etimuluggìa.