Bivona
Bivona (o Vivona nta àutri parrati siciliani) è un cumuni talianu di 4.225 abbitanti dâ pruvincia di Girgenti ntâ Sicilia.
S'attrova a 64 chilòmitri dû capulocu, a 503 metri ncapu lu liveddu dû mari. È famusu pi la pruduzzioni di pèrsichi.
Sucitati
[cancia | cancia la surgenti]Cinzimentu d'abbitanti
![](http://upload.wikimedia.org/wikipedia/scn/timeline/fdagrmkoglgwd6x8z83ss5r7yffovig.png)
Tradizzioni riliggiusi
[cancia | cancia la surgenti]Bivona havi sempri statu un paisi assai ligatu ê propi tradizzioni, spiciarmenti chiddi riliggiusi. A unuri dû veru, abbasta nutari li cresi spartuti n tuttu lu turritoriu bivunisi, li quali, cunzidirannu l'abbitanti medi dû paisi, e la ristritta stinnuta dâ citadina, sunnu nummarusi e supiriuri â media. Duranti tuttu un annu sulari, l'avvinimenti riliggiusi ca cuinvòrginu la pupulazzioni lucali sunnu li siquenti:
- Santa Rusalìa, 4 di sittèmmiru
- San Franciscu d'Assisi, 4 d'uttùviru
- San Giuseppi, 18 di marzu
- Madonna "di l'Ogliu", Pasquetta
- Madonna "di la Sprescia", 30 di maiu
- Corpus Domini, pinùrtima dumìnica di giugnu
Cultura
[cancia | cancia la surgenti]Abbinimenti
[cancia | cancia la surgenti]Sagra dâ Persica
[cancia | cancia la surgenti]![](http://upload.wikimedia.org/wikipedia/commons/thumb/3/30/Pesche_Bivona.jpg/230px-Pesche_Bivona.jpg)
La festa cchiù mpurtanti di l'astati vivunisi è la Sagra della Pesca, ca veni urganizzata di lu Cumuni nta la secunna mitati d'austu, e rapprisenta l'attrattiva cchiù granni di stu paisi nicareddu, spersu 'n menzu a li muntagni. Lu pèrsicu jancu bivunisi, nfatti, ortri a èssiri na squisitizza, si pò diri ca rapprisenta lu fruttu cchiù diffusu nta tutti li sarmi dî tirrena di Bivona.
Lu 20 d'austu dû 2006 si fistiggiau la 21° edizzioni, e comu ogni annu la prisenza di nu granni òspiti (quasi sempri cantanti) attribbuìu spissuri a l'avvinimentu. Ntô 2006 fu Mariu Venuti, tuttavìa nta l'anni passati ci foru Silvia Salemi, Anna Oxa, Ivana Spagna, Eduardu Bennatu, Eduardu De Criscenzu, Franciscu Baccini e tanti àutri Big. Di quarchi annu, la manifistazzioni nun si cuncentra sulamenti nta un sulu jornu, ma s'artìcula n tri jurnati cunzicutivi, vennaridìa, sàbbatu, e duminìca (la jurnata finali nunchì chidda principali). Piculiaritati funnamintali di tutta la manifistazzioni è rapprisintata macari di li stands (àrea espusitiva) ca lu cumuni metti a dispusizzioni ntê vìi dû centru di Bivona pi la mustra di l'artiggianatu lucali e nun, e pi li cummircianti di prudutti agru-alimintari tìpici lucali e nun. Duranti la jurnata finali dâ Sagra, dî primi uri dâ mattina nzinu ô tardu pumiriggiu, è pussìbbili tastari gratuitamenti prudutti locali, sclusivamenti a basi di pèrsichi, tra cui li pèrsichi cu lu vinu russu e jancu, li crustati di marmillata di pèrsichi, e lu jilatu â pèrsica.
Sti tastati gratuiti sunnu dislucati n tutti li vìi dû centru citadinu, a lu nternu di particulari stands, adibbiti unicamenti â distribbuzzioni gratuita di prudutti a la pèrsica.
Astati Bivunisa
[cancia | cancia la surgenti]![](http://upload.wikimedia.org/wikipedia/commons/thumb/d/d4/Bivona_Estate_2006_CalcettoDay.jpg/220px-Bivona_Estate_2006_CalcettoDay.jpg)
Cu Astati Bivunisa (Estate Bivonese) s'ìnnica lu nzemi di manifistazzioni culturali, musicali, e sportivi ca, cu cadenza pressuchì jurnatara, carattirìzzanu tutti li jurnati d'austu.
A anticipari sti manifistazzioni, c'è n'avvinimentu, assai sicutu dî bivunisi, ca teni occupati la maiuri parti dî carusi dû locu.
Si sta parrannu dû sicutìssimu Turneu di Càuciu a 5 ca nta l'ùrtimi anni pigghiau la diniminazzioni di Turneu dî munti Sicani. Sta manifistazzioni, nata ntê primi anni uttanta, si svorgi ntâ secunna mitati di giugnettu, e funci di avvinimentu-traghittaturi nzinu ô nizziu dâ vera e propia Astati Bivunisa.
![](http://upload.wikimedia.org/wikipedia/commons/thumb/8/8e/Bivona_Estate_2006_CalcettoEvening.jpg/220px-Bivona_Estate_2006_CalcettoEvening.jpg)
La biddizza di sta cumpitizzioni stà principarmenti ntâ "location" scigghiuta pi lu sò svurgimentu, rapprisintata dâ Chiazza principali dû paisi, zoè Chiazza San Giuvanni, la quali pi l'accasioni veni adiguata â manifistazzioni sportiva. La chiazza n chistioni, nfatti, cancia lu sò aspettu trasfurmànnusi nta na speci d'arena, datu ca lu nummarusu pùbbricu assisti ê gari, n parti commudamenti assintatu supra dui lunghìssimi vanchi di lignu (muntati "ad hoc" pi l'avvinimentu), ca custìanu, a nun cchiù di una dicina di cintìmitri, li dui lati dû campu, e n parti n pedi d'arreri li vanchi. Lu scinariu ca, quinni, si veni a criari è arquantu suggistivu, macari pirchì l'àuta qualitati dî squatri ca partècipanu a sta manifistazzioni, pi àutru tutarmenti finanziata dû cumuni di Bivona, hà rinnutu stu turneu unu dî cchiù cumpititivi di l'àutu girgintanu. Arriturnannu â vera e propia "Estate Bivonese", c'è a diri ca li tìpichi attivitati, pi lu cchiù sirali, ca vèninu urganizzati sunnu ricunnucìbbili a Rassegne Teatrali, Concerti Musicali, Serate di Cabaret, ecc....
![](http://upload.wikimedia.org/wikipedia/commons/thumb/c/cd/Santa_Rosalia.jpg/220px-Santa_Rosalia.jpg)
Note
[cancia | cancia la surgenti]- ↑ Dato Istat al 31/12/2011. URL spiatu lu 30-07-2012.
Gallirìa fotogràfica
[cancia | cancia la surgenti]-
Bivona, munti di la parti di sutta
-
Bivona, munti di la parti di ncapu
-
A la scurata nni la diga Casteddu
-
Eccu com'era Chiazza Gugghielmu Marconi
-
Scorciu dâ vecchia Villa n Chiazza G.Marconi a li primi dû '900
-
Scorciu di vìa Lorenzu Panipintu a li primi dû '900
-
Purtalu Àrabbu Nurmannu (aieri)
-
Purtali Àrabbu Nurmannu (oi)
-
Purtali Àrabbu Nurmannu (oi)
-
Scorciu dû palazzu Marchisi-Grecu
-
Panuràmica di Bivona
-
Panuràmica di Bivona a li primi dû '900
-
Panuràmica di Bivona a li primi dû '900
-
Vìa Roma a li primi dû '900
-
Arcata dû Ponti "Pisciatu" a li primi dû '900
-
Cunventu dî Cappuccini a li primi dû '900
-
Scorciu paisaggiu muntanu: Lu Strittu
-
Scorciu paisaggiu muntanu: Lu Santìssimu
-
Scorciu paisaggiu muntanu: Santa Vènnera
-
Scorciu paisaggiu muntanu: Pizzu San Mattè
-
Scorciu paisaggiu muntanu: Pizzu di Nasu
-
Scorciu paisaggiu muntanu: Occhi Bianchi
-
Diga Casteddu n china