Lucca Sìcula
| Lucca Sicula | |
| |
| Muttu: | |
| Nomu ufficiali: | Lucca Sicula |
|---|---|
| Riggiuni: | |
| Pruvincia: | Girgenti |
| Cuurdinati: | 37°34'50"N, 13°18'28"E Ammustra ntâ mappa |
| Superfici: | 18 km² |
| Abbitanti: | 2.033 |
| Dinzitati: | 113 ab./km² |
| Cumuni cunfinanti: | Bivona, Burgiu, Calamònaci, Palazzu Adrianu, Villafranca Sicula |
| CAP: | 92010 |
| Prifissu telefònicu: | +0925 |
| Situ ufficiali: | http://www.comune.luccasicula.ag.it/ |
Lucca Sìcula (o simpricimenti Lucca) è un cumuni di 2.033 abbitanti dâ pruvincia di Girgenti.
Storia
[cancia | cancia lu còdici]Lu nomu Lucca fu datu ô paisi dû funnaturi Franciscu Lucchesi p'arricurdari la citati natali omònima. Iddu fici custruiri lu borgu ntô 1622 cu la "licentia populandi". Ntô 1670 lu nùcliu urbanu fu accattatu dû signuri Gerònimu Filangeri e a iddu ristau nzinu a l'abbulizzioni dâ fiudalitati. Sulu ntô 1863 vinni agghiunciutu l'aggittivu giogràficu "Sicula".
Ntô sitturi munumintali sunnu mpurtanti la Matrici dû 1640 cu n'artaru n stili neoclàssicu e la Cresia dû SS. Rusariu dû XVIII sèculu.
L'Acròpuli
[cancia | cancia lu còdici]L'acròpuli rapprisenta na furtizza naturali vera e propia, cu pareti rucciusi àuti ca l'ìsulanu dû turrenu circustanti.
Idda è carattarizzata di dui colli, a est e a ovest, culligati ô centru di nu chianuru.
Longu li mura a strachiummu dû rilievu foru lucalizzati tri vìi d'accessu: tutti pirmèttinu di jùnciri lestu l'abbitatu nfiriuri, ma sulu una di chisti si pò pircùrriri facirmenti.
Grazzi ê pareti virticali di l'acròpuli nun èranu nicissari òpiri di furtificazzioni, si nun n picca tratti unni nu nterventu limitatu era sufficienti a garantiri la difisa.
L'ùnica struttura ricunnucìbbili a n'òpira di furtificazzioni s'attrova ntô latu miridiunali supra nu tirrazzu naturali nicu, ca cuntrolla l'accessu sud, unni foru arritruvati arcuni blocchi di granni diminzioni alliniati longu lu màrgini.
Li custruzzioni supra l'acròpuli nun avìanu n'urientamentu ùnicu: di tutti li parti li mura visìbbili si dispòninu siquennu l'annamentu dû turrenu e dî curvi di liveddu. Quarchi edificiu mpurtanti era comu egghiè prisenti vistu l'arritruvamentu d'elementi architittònici lapitari.
Foru arritruvatu macari dui jisterni scavati ntâ roccia. Di rializzazzioni sìmili, st'ùrtimi prisèntanu na furma a campana, la vucca circulari di diàmitru abbastanti granni e li pareti arrivistuti di ntònacu ca renni mpirmiàbbili, rigulari e uniformi.
Econumìa
[cancia | cancia lu còdici]Centru agrìculu nicu, Lucca Sicula avvanta na pruduzzioni cunzidirèvuli di ciriali, alivi, mènnuli, racina e pèrsichi ca vèninu esposti ntâ Fera Agrìcula annuali ca si teni ntô misi di sittèmmiru. Tìpici sunnu l'uggetti di l'artiggianatu lucali pruduciuti n lignu.