Tririmi

Dâ Wikipedia, la nciclupidìa lìbbira.
Mudellu di na tririmi rumana.

Lu tririmi (n grecu anticu Τριήρης "tri rimaturi") era nu anticu vasceddu ca fu usatu dî civirtati antichi dû Meditirràniu, n particulari dî Finici, Greci e rumani.

Lu sò nomi diriva di li sò tri fila di remi pi latu, prisidiatu cu n'òmu pi remu. Nnî lingui muderni lu nùmmaru nta na palora o nta na frasi discrivi na dispusizzioni di remi ca innica lu nùmmaru ri tutti, pi esempiu, n grecu mudernu la palora diplokopos discrivi na mmarcazzioni cu dui fili di remi n tuttu, comu pi l'italianu doppio ordine di reme e pi li ngrisi double banked. La tririmi era lu sviluppu dâ penticuntera, n'antica navi di guerra cu na sula fila di 25 remi pi latu, e dû birimi, na navi di guerra cu dui fila di remi pi latu, prubabirmenti d'òrigini finici, anchi se nun c'eni nudda minzioni ntâ littiratura antica di nu tipu di mmarcazzioni ntrameddiu tra lu penticuntera e lu tririmi. Si prisumi ca lu penticuntera arrigurdava lu tipu a dui liveddi. Comu navi ca era viloci lu tririmi divinni na duminanti navi di guerra nnû meditirràniu da lu VII a lu IV sèculu a.C., nfinu a quannu i granni quatririmi e quinquirimi pigghiaru lu loru postu a lu nternu dû meditirràniu. Li tririmi jucaru nu rolu funnamintali ntâ guerri pirsiani, nnâ criazzioni dû mperu marittimu atinisi e la sò caruta ntâ guerra dû Pilupunnìsu.

Storia[cancia | cancia la surgenti]

Òrigini[cancia | cancia la surgenti]

Bassurilievu ca rapprisinta nu tririmi dû 410 a.C., ca s'attrova nu Museu di l'Acròpuli di Atini.

L'òrigini dâ tririmi è ncerta, comu li provi scassi e pruvinenti da funti littirari, rapprisintazzioni n rilievu e pizzudda di ciramica, ca sunnu aperti a ntirpritazzioni sbagghiati. Tucìdidi minziona lu tririmi a Corintu nna l'VIII sèculu a.C., unni, sicunnu la tradizzioni greca, l'architettu navali Aminucli avissi cutruutu tririmi pi Samu. Diudoru Siculu cunferma ca la prima tririmi fu custruuta a Corintu, mentri Climenti Alissandrinu cunfirisci la custruzzioni a Siduni, e Eròdutu cunta ca lu farauni Necau II navicau cu na flotta di tririmi nnû Mari Russu.

L'usu[cancia | cancia la surgenti]

La diffusioni di stu tipu di navi ca sustituìu a penticuntera fu nu prucessu lentu, n quantu era difficili e caru custruiri mmarcazzioni, ma principarmenti picchì ci vulìa nu nvistimentu n risorsi umani e quinni ri dinari. È statu nizziarmenti mpigatu nni l'arsinali di Tiru e di Siduni, n Corintu e puru a Sarausa. Lu ritòri Pulienu parra dâ tririmi comu flotta di guerra di Giluni, ca nnû 480 a.C. sustinìu a guerra cu lu cartagginisi Armicari I. Duranti li guerri pirsiani la navi di guerra fu lu tririmi, nun sulu ntâ parti greca, ma puru n chidda pirsiana. Ntô V sèculu a.C. la flotta atinisi avìa picca tririmi, dû mumentu ca lu granni dâ flotta cuntinìa penticuntera, ma la guerra contru Egina e lu pirìculu pirsianu prumuvìu l'ivoluzzioni di li forzi navali. Nnû 480 a.C. ntâ battagghia di Salamina Atini furnìu mitati di stu tipu di navi pi vuliri di Timostocli, la flotta scunfiggìu i pirsiani nni l'acqui di Salamina. Sti mmarcazzioni ca eranu lu primu dû sò gèniri, nun avìanu ancora i ponti cumpreti, sicunnu Plutarcu fu Cimuni duranti la battagghia di Eurimedunti (467 a.C.), ca unìu lu ponti di prua e poppa cu na seri di passaggi, a pirmèttiri n'aumentu di nùmmaru di upliti. Duranti la guerra dû Pilupunnìsu, battagghi navali cummattuti da tririmi mpurtanti pi l'equilibbriu dû putiri tra Sparta e Atini, cu Atini scunfittu ntâ spidizzioni Atinisi n Sicilia, e nfini nnâ battagghia di Egusputami pi manu di Sparta e li sò alliati. Dionisiu I , tirannu di Sarausa, nnû IV sèculu a.C. fici custruiri pâ sò citati quatririmi e quinquirimi, cchìu granni e pisanti, ma lu tririmi appi nu calu quannu i citati mpurtanti custrueru la galìa, cuntinuau a èssiri utilizzatu nni l'unitati cchìu granni, duranti lu mperìu rumanu divinni duminanti pi lu sò picca costu.

Pruggettu[cancia | cancia la surgenti]

Carattiristichi[cancia | cancia la surgenti]

Mudellu di na tririmi greca.

Era na mmarcazzioni liggera a nu sulu àrbulu dutatu di na vela, la quali vinìa mmainata duranti lu scontru.

Li diminsioni:

  • Da li 38 a li 41 metri di lunghizza
  • 3 o 4 metri di larghizza dû scafu
  • 5/6 metri a lu scarmieri
  • Nu metru di piscaggiu

Nnâ prua, ntâ parti nfiriuri, s'attrova lu rostru, nu spiruni n lignu, arrivistutu di brunzu, cu lami tagghienti, ca sirvìa a spunnari e affunnari li navi nimichi. Lu rustru s'allungava a pilu d'acqua pi dui metri. Nnî mudelli cchìu evulutu eranu prisenti li murati cu lu scopu di pruteggìri tutti i rimaturi da li corpi dû nimicu. Pi esempiu, li tririmi finici, avìanu punti cchìu larghi p'uspitari cchìu fanti, e murati pi mpidiri la caruta n mari di l'òmini.

Equipaggiu[cancia | cancia la surgenti]

Trireme cut-fr.svg

Na tririmi greca nu pirìudu classicu avìa n'equipaggiu di 200 òmini, n gèniri furmatu da:

  • trirarca (τριήραρχος) cummannanti dâ tririmi
  • ciberneta (κυβερνήτης) ufficiali esecutivu, rispunsabbili pâ sicurizza dû viaggiu
  • keleuste (κελευστής) rispunsabbili di l'addestramentu e dû murali di l'equipaggiu
  • pentecontarchos (πεντηκόνταρχος) ufficiali amministrativu
  • prurati (πρῳράτης) rispunsabbili pi la tinuta di na cuntinua sourvigghianza
  • auleta (αὐλητής) dava lu ritmu di vugata a li rimaturi
  • 170 rimaturi su tri fili di liveddu:
    • 62 trainiti (θρᾱνῖται) nnâ filera di banchi supiriori
    • 54 zygiti (ζυγῖται) nnâ filera di banchi midia
    • 54 talamiti (θαλαμῖται) nnâ filera di banchi cchìu bassa
  • 10 marinai pâ manuvra dî veli
  • 14 fanti di marina

Àutri pruggetti[cancia | cancia la surgenti]

Commons
Lu Wikimedia Commons havi 'na catigurìa cca conteni media su Tririmi