Dicèmmiru 2005

Dâ Wikipedia, la nciclupidìa lìbbira.
2004 Abbinimenti dû 2005 2006
Jinnaru 2005 | Frivaru 2005 | Marzu 2005 | Aprili 2005 | Maiu 2005 | Giugnu 2005 | Giugnettu 2005 | Austu 2005 | Sittèmmiru 2005 | Uttùviru 2005 | Nuvèmmiru 2005 | Dicèmmiru 2005

Dicèmmiru 2005[cancia | cancia la surgenti]

Mars Valles Marineris.jpeg

1 di dicèmmiru, jovidìa

  • Roma (Italia) - Lu radar talianu Marsis, ca s'attrova ntô Mars Express, scuprìu la prisenza nta Marti di n'enormi lacu ghiacciatu sutta la supirfici dû "pianeta russu".

Palermo panorama.JPG

3 di dicèmmiru, sabbatudìa

  • Palermu - Pi tri jorna, di lunidìa 5 a mercuridìa 7 di dicèmmiru, Palermu addiventa la capitali di la lutta contra la droga grazzî a la Conferenza nazionale sui problemi connessi alla diffusione delle sostanze stupefacenti, cunvucata dû ministru Giovanardi. Li màssimi rapprisintanti di li stituzzioni e dû cuvernu taliani, di l'organismi ntirnazziunali e di la maggistratura, si ncòntranu ô Tiatru Politeama pi discùtiri di li prubblemi rilativi a la droga.

4 di dicèmmiru, duminicadìa

  • Palermu - Si vutau oji 'n tutta la Sicilia pi l'elezzioni primarî dû centru-sinistra pû candidatu pâ prisidenza dâ riggiuni. Secunnu li primi nutizzî, pari ca Rita Borsellinu battìu a Ferdinandu Latteri.

Rita Borsellinu.PNG

5 di dicèmmiru, lunidìa

  • Palermu - Risultati difinitivi di l'elezzioni primarî dû centru-sinistra pû candidatu a prisidenti dâ riggiuni: Rita Borsellinu 66,9%, Ferdinandu Latteri 33,1%.
  • Gela (Nissa) - È siciliana la picciridda cchiù bona d'Italia: lu sò nomu è Andrea Ventura, havi 8 anni e, quannu sò matri cadìu malata di forma gravi, idda s'incaricau di li travagghî di casa e di li sò fratuzzi cchiù nichi. La Fondazione nazionale "Bambino più buono d'Italia" la schigghìu ntra àutri picciriddi di tutta l'Italia.
  • Varsavia (Pulonia) - Assira a Varsavia la cumpagnìa Cialoma di Palermu s'esibbìu ntô sò spittàculu di mùsichi tradizziunali siciliani. Lu gruppu sicilianu stasira rèplica nta la cità pulacca di Cracovia.

6 di dicèmmiru, martidìa

  • Teheran (Iran) - Tutti li 94 pirsuni ca s'attruvàvanu nta l'ariuplanu militari C-130, partutu di l'ariuportu di Mehrabad cu distinazzioni Bandar Abbas, mureru stamatina doppu un fallutu tintativu d'attirraggiu d'emirgenza; l'ariuplanu finìu contra un palazzu di Teheran, ammazzannu àutri 22 pirsuni e firènnuni 25.

8 di dicèmmiru, jovidìa


FIFA World Cup 2006.PNG

9 di dicèmmiru, venniridìa

  • Lipsia (Girmania) - Foru surtiggiati li giruna pî Munniali di palluni dû 2006. A la nazziunali taliana ci tuccau lu giruni (Gruppo "E") cu: Gana, Ripùbblica Ceca e Stati Uniti.
  • Palermu - L'Ortu Butànicu di Palermu fisteggia lu 210° annivirsariu dâ sò funnazzioni. Dumani, ê 4 di doppupranzu, s'inàugura na mostra di disigni di Filippina Lanza Sangiuliano, figghia dû butànicu Dumìnicu Lanza ca, duranti l'anni vinti, fu lu diritturi di l'Ortu Butànicu palirmitanu.

10 di dicèmmiru, sabbatudìa

  • Castiddazzu - Giuvanni Mannino, Antoniu Gagliano e Vicenzu Aiello foru primiati nnô cuncursu di puisìa "Elvezio Petix" pâ catigurìa "puisìa 'n lingua siciliana"; Sarvaturi Carta vincìu la sissioni "puisìa 'n lingua taliana".

11 di dicèmmiru, duminicadìa

  • Missina - Balluttaggiu ntra li candidati a sìnnacu Francantonio Genovese (L'Unione) e Luigi Ragno (Casa delle Libertà); si vota puru dumani, lunidìa, nzinu a li 3 di doppupranzu.

Riot syd3 gallery 470x338.jpg

12 di dicèmmiru, lunidìa

  • Sydney: Nàutra jurnata di viulenza addimentri na fudda di circa 5.000 razzisti australiani affrùntanu la pulizzìa e migranti àrabbi (supratuttu dû Lìbbanu).
  • Missina - Francantonio Genovese (L'Unione) è lu novu sìnnacu di Missina. Vincìu cu lu 54,56% dî voti; l'avvirsariu, Luigi Ragno (Casa delle Libertà), si firmau ô 45,44%.

Antonello da Messina 035.jpg

13 di dicèmmiru, martidìa


14 di dicèmmiru, mercuridìa

  • Roma - Lu cuvernu talianu dicidi di ntrodùciri nu dazziu supra la pornugrafìa p'ammigghiurari li soi finanzi pùbbrichi.

La bannera d'Iraq

15 di dicèmmiru, jovidìa

  • Baghdad: Lu pòpulu d'Iraq vota pi na nova custituzzioni.
  • Palermu - La squatra dû Palermu vincìu pi 3 a 0 li danisi dû Brondby e finìu ô primu postu lu giruni di Coppa UEFA, classificànnusi pi li sidicèsimi di finali.
  • Bagarìa - La storia e li sapuri di Bagarìa arrivanu a Nova York e a Chicago. "Bagheria in America" è lu tìtulu ufficiali di la nizziativa chi promovi sta citati siciliana nta dui citati miricani chini di mmigrati (piriudu: dû 12 ô 24 di jinnaru 2006).

Soccerball.svg

16 di dicèmmiru, venniridìa

  • Palermu - La squatra dû Palermu, mpignata ntâ Coppa UEFA, piscau bonu pî sedicèsimi di finali: li cechi dû Slavia Praga. Lu 15 di frivaru si joca a Praga e lu 23 di frivaru 'n Palermu. Siddu avissi a vìnciri, nta l'ottavi di finali attrova la vincenti di Espanyol-Shalke 04.

17 di dicèmmiru, sabbatudìa

  • Riggiu Calabbria - Sta dumìnica si grapi a lu pùbblicu, ô Museu Nazziunali di la Magna Grecia di Riggiu, la mustra La Locride Greco-Romana. Oi lu ministru Buttiglione fa l'inagurazzioni ufficiali.

18 di dicèmmiru, duminicadìa

  • Gerusalemmi: Lu primu ministru israelianu appi na maluri e appi a èssiri ricuviratu ô spitali pi accertamenti. Ariel Sharon trasìu cuscienti ô spitali. Pari chi si tratta di na forma lèggia di attaccu cerebbrali.

20 di dicèmmiru, martidìa

  • Mosca - Na mistiriusa sustanza sta avvilinannu li picciriddi chi frequèntanu li scoli dû distrittu cecenu di Shelkovskoi.

22 di dicèmmiru, jovidìa

  • La Paz (Bolivia) - Cu l'85,11% di li voti scrutinati, Evo Morales havi lu 53% di li prifirenzi; si stu datu fussi cunfirmatu ô tèrmini dû scrutiniu, Morales addivintassi prisidenti dâ Bolivia.

Madeira 71.jpg

23 di dicèmmiru, venniridìa

  • Lisbona (Portugallu) - Armenu cincu turisti taliani mureru quannu un autobussu caputtau stu doppupranzu nta na strata di l'ìsula di Madeira.

25 di dicèmmiru, duminicadìa

  • Cità dû Vaticanu - "La sula luci dâ raggiuni di l'omu nun abbasta pi fari luci ntô munnu; pi chissu nascíu lu Bammineddu, chi è la Vera Luci". Binidittu XVI detti oi, jornu di Natali, la binidizzioni Urbi et Orbi, salutannu 'n 33 lingui.

26 di dicèmmiru, lunidìa

  • Cilibbratu nni tutti li stati asiàtici ntirissati, lu primu annivirsariu dû tirrìbbuli tsunami di l'annu passatu.
  • Sicilia - Stamatina sbarcaru chiossai di 400 mmigrati nta li costi di l'ìsula. 211 arrivaru ntra Puzzaddu e Gela e chiossai di 200 sbarcaru nta l'ìsula di Lampidusa.

27 di dicèmmiru, martidìa

  • Sydney - Murìu mentri durmìa l'omu cchiù riccu di l'Australia, Kerry Packer, 68 anni, propietariu di nummarusi menzi di cumunicazzioni.
  • Rausa - Foru idintificati e arristati dâ pulizzìa dui di li scafisti chi fìciru sbarcari aieri 211 clannistini ntê costi dû rausanu. Sunnu un irachenu di 26 anni e un palistinisi di 18. Pari ca li mmigrati pagaru 1.500 euri pi lu viaggiu.

29 di dicèmmiru, jovidìa

  • Roma - Numinatu lu novu cuvirnaturi dâ Banca d'Italia: è Mariu Draghi.

MessinaStrait-EO.jpg

30 di dicèmmiru, venniridìa

  • Missina - Lu coordinamentu No Ponte, chi è cuntrariu a la rializzazzioni dû ponti nta lu Strittu di Missina, e la Rete Meridionale del Nuovo Municipio propòsiru un giamellaggiu cu li cumitati No Tav e cu lu coordinamentu dî sìnnaci dâ Val di Susa. L'abbitanti di la Val Susa foru mmitati a participari a na manifestazzioni pi la sarvaguardia di lu Strittu, 'n prugramma lu pròssimu 22 di jinnaru a Missina.

31 di dicèmmiru, duminicadìa

  • Indunesia - 8 pirsuni mureru e na cinquantina arristaru firuti nta n'attintatu nni un mircatu di Palu, capulocu di la pruvincia dû Sulawesi cintrali. Stu mircatu è l'unicu chi vinni carni di porcu, manciari proibbutu pi li musulmani.

31 di dicèmmiru, sabbatudìa

  • Missina - Foru ndividuati na parti di ddi tifusi di l'Inter chi affinneru a lu jucaturi niuru dû Missina, Marc Zoro. Sunnu 4 picciotti tutti milanisi e pî pròssimi 5 anni si ponnu scurdari di jiri ô stadiu: ci lu vietau lu quisturi Santi Giuffrè.

Viditi puru[cancia | cancia la surgenti]