Arancina
Di Wikipedia, la nciclupidìa lìbbira.
L' arancina (o arancinu) è una dî spicialità di la cucina siciliana ntra li cchiù canusciuti. Si tratta di na palla di risu, di 8-10 centìmitri, jinchiuta di na cumpusizzioni di sarsa, di furmaggiu picurinu, nu pezzu nicu di carni e, a voti, nu quartu di ovu duru o piseddi, lu tuttu misu a friiri nta l'ogghiu. Na vota ca lu risu arriva a aviri lu culuri di n'arancia, si pô nèsciri e si pô manciari.
La forma cancia a secunna di li zoni: ntâ zona di Palermu pigghia la forma di na palla tunna e si chiama arancina; ntâ zona di Catania pigghia la forma di na palla pizzuta e si chiama arancinu.
S'hannu a manciari assulutamenti caudi.
Lu pirsunaggiu di li libbra di Andrea Camilleri, lu cummissariu Montalbanu, è un divuraturi di arancini e sti libbra cuntribbueru a fari canùsciri l'arancini nta tuttu lu munnu.
A parti chiddu tradizziunali, ci sunnu àutri varietati: ô burru, chî funci, chî spinaci, chî milinciani (chiamatu a la Norma, comu l'òpira immurtali di lu granni Vincenzu Bellini).
