Vera Chiesa di Gesù

La Vera Chiesa di Gesù ('n cinisi : 真耶穌教會) è na crèsia cristiana; nascìu a Pechinu (Cina). A l'inizziu era lu pruduttu di lu muvimentu riliggiusu e pulìticu sviluppàtusi nta lu sèculu XX. Li guidi spirituali èrinu Paul Wei e Ling-sheng Zhang; vòsiru fari na Chiesa Pentecostali.

Li 5 duttrina principali di la crèsia :

1. Lu Spìritu Santu: "ricèviri lu Spìritu Santu, addimustratu di lu parrari nta tuttli li lingui, è la cunferma di la nostra eridità di lu regnu di li celi".
2. Lu Vattìu: "Lu Vattìu cu l'acqua è lu sacramentu pi la rimissioni di li piccati pi la rigginirazzioni. Lu vattìu hà èssiri fattu ntà l'acqua currenti e naturali, comu lu ciumi, lu mari, o la fonti. Lu Vattista, c'appi già lu vattìu di l'acqua e lu Spìritu Santu, vattìa a nomu di lu Signuri Jesu Cristu. E lu cristianu ca arricevi lu vattìu hà èssiri cumpretamenti a moddu a l'acqua cu la testa nchinata e la facci versu lu vasciu."
3. La Lavata di li pedi: "Lu sacramentu di la lavata di li pedi pirmetti di spartìrisi na parti cu lu Signuri Jesu. 'N agghiunta aggiuva pi arricurdari sempri d'aviri l'amuri, la santitati, l'umiltati, lu pirdonu e lu sirvizzu. Ognidunu cristianu ca appi lu vattìu di l'acqua, hà fari lavari li sò pedi a nomu di Jesu Cristu. Lavàrisi nzemi li pedi pò èsseri fattu tutti li voti ca è cunvinenti."
4. La Santa Cumunioni: "La Santa Cumunioni è lu sacramentu pi cummimurari la morti di lu Signuri Jesu Cristu. Nni pirmetti di fàciri parti dû corpu e dû sangu di Nostru Signuri e di èssiri 'n cumunioni cu Iddu nta la manera ca putemu aviri la vita aterna e arriturnati â vita dopu la morti nta l'ùrtimu jornu. Chistu sacramentu s’hà tèniri quantu cchiù voti è pussìbbili. S’hà usari sulu nu pani azzimu (senza lèvitu) e sucu di racina
5. Lu Sàbbatu: "Lu Sàbbatu, sèttimu jornu di la simana, è nu jornu santu, binidittu e santificatu di Diu. Hà èssiri ussirvatu, ntâ grazzia dû Signore, pi cummimurari la criazzioni e la sarvizza di Diu, cu la spiranza dû riposu aternu nnâ vita ca havi a vèniri."

Chiù tardu, nta l'anni '80, s'assummaru àutri cincu punti:

1. "Gesù Cristu, la palora chi s'havi trasfurmatu 'n carni, mortu supra la cruci pi l'estinzioni dî piccati, rinascìu lu terzu jornu e acchianau 'n celu. È l'ùnicu sarvaturi di l'umanitati, criaturi dû celu e dâ terra e l'ùnicu diu".
2. "La Santa Bibbia, cumposta dû Vecchiu e dû Novu Tistamentu, è spirata di Diu, e è l'ùnica fonti scritta di rivelu dâ viritati divina. Idda cunteni tutti li normi di cumpurtamentu a cui s'havi a accurdari chi voli campari di Cristianu veru."
3. "La sarvizza s'otteni pi grazzia divina attraversu la fidi. Li cridenti hannu a fari affidamentu supra lu Spìritu Santu pi spirari d'aviri la santitati, d'anurari Diu, e d'amari lu pròssimu."
4. "La crèsia, cumannata di nostru Signuri Jesu Cristu, cô Spìritu Santu mentri c’è lu piriudu “dâ chioggia ca veni dopu”, sunnu la crèsia alliniari ristabbilita di lu tempu apustolic."
5. "La Secunna Vinuta dû Signuri abbeni ntô Jornu dû Giudizziu Finali, quannu Iddu scinni dû paradisu 'n terra pi judicari lu munnu: li giusti ottèninu 'n cumpenza la vita aterna, addimentri li tinti e li piccatura vennu cunnannati pi tempu nfinitu."