Teodotu

Teodotu (mortu a Mineu tra giugnettu e austu dû 830) fu nu patrizziu bizzantinu chi vinni mannatu di Costantinòpuli n Sicilia tra lu 828 e lu 829 all'èbbica n cui l'àrabbi, ggià stabbiluti a Mazzara e a Mineu assidiavanu Castruggiuvanni. Eufemiu, chi avia ispiratu lu sbarcu àrabbu a Mazzara dû 827, avìa statu ammazzatu a `Castruggiuvanni. Fu ntî stu cuntestu chi Teodutu agghicau a Castruggiuvanni cu nu cuntingenti di surdati prubabbirmenti armeni. Doppu la morti di Mohammed-ibn-el-Gewâri, ntâ primavera dû 829, chi cumannava l'esercitu arabbu, Teodotu agghicau a battiri l'assidianti e a farili ritirari a Mineu. Li assucutau e li assidiau a Mineu. Lu prisidiu àrabbu di Girgenti chi sirvia di linia di cumunicazzioni tra la basi di Mazzara e l'assidianti fu abbannunatu di l'àrabbi chi distrueru li mura prima di irasinni.

L'assediu di Mineu di Teodutu durau cchiossai di n'annu. Ntâ stati dû 830, agghicaru truppi àrabbi di Mazzara cumannati di Asbagh-ibn-Wekîl, vinutu dâ Spagna. Teodutu fu ammazzatu ntî nu cummattimentu a Mineu tra lu misi di giugnettu e lu misi du austu di lu 830.