Mohammed-ibn-el-Gewâri

Mohammed-ibn-el-Gewâri (mortu ntâ primavera dô 829) fu lu secunnu cumannanti dâ cunquista àrabba dâ Sicilia. Succidìu a Asad ibn al-Furat, chi muriu ntâ stati di l'annu prima duranti lu loncu assediu di Sarausa. Fu sutta la sò guida chi li truppi mussurmani dicisiru di livari l'assediu a Sarausa e di ntirnarisi versu li muntagni. Cunquistau la cità di Mineu, chi s'arrinniu ristannu stabbirmenti sutta duminazzioni àrabba, e si diriggiu versu Castrugiuvanni cu Eufemiu, chi cu Ased avia statu a capu dû sbarcu dû 827. Eufemiu cadìu ntî na trappula priparata dî patrizzi ennisi. Mohammed s'accampau sutta Enna strincennula d'assediu. L'assediu, durau armenu nzinu â primavera dû 829 quannu murìu. Fu sustituitu di Zoheir-ibn-Ghauth, sutta cui li bizzantini rinisceru a rispinciri l'assidianti.

Sutta lu sò cumannu l'àrabbi di Sicilia àppinu a urganizzari na certa struttura amministrativu-ecunòmica, comu testimonianu li sordi cuniati di l'àrabbi di Sicilia unni cumpari lu nomu di Mohammed ibn al Gewari, cuniati ntô 829.

Bibbliografìa

M. Amari Storia dei Musulmani di Sicilia, 1854.

Pridicissuri:	- Cuvirnatura àrabbi di Sicilia -	Succissuri:	[[Mmàggini:{{{Mmàggini}}}\|30px]]
Asad ibn al-Furat	828 - 829	Zoheir-ibn-Ghauth	I
			II
			III
			IV
			V
			VI
			VII
			VIII
			IX
			X
	con
con	con	con
Asad ibn al-Furat	{{{data}}}	Zoheir-ibn-Ghauth