Asbagh-ibn-Wekîl
Asbagh-ibn-Wekîl (mortu vicinu Caltanissetta ntô 830) fu nu cumannanti mussurmanu chi pigghiau parti â cunquista dâ Sicilia.
Biografìa
[cancia | cancia la surgenti]Urigginariu dâ tribbù berbera di Howâra, Asbagh, chiamatu puru Ferghalûsc, agghicau n Sicilia ntô 830, ô cumannu di na flotta militari di l'ommaiadi di Spagna. Inizziarmenti si desi a saccheggi e a pigghiari prigiuneri di vìnniri comu schiavi.
La situazzioni dâ Sicilia era assai critica. Li bizzantini furmarmenti avèvanu lu controllu di quasi tuttu lu tirritoriu. Sulu Mazzara era n manu àrabba e lu sulu àutru prisidu àrabbu di Mineu era assidiatu dî truppi bizzantini di Teodotu.
Ntnantu àutri rinforzi agghicaru puru di Kairouan. Asbagh pigghiannu lu cuntrollu di l'opirazzioni militari n Sicilia, arriniscìu a mettiri fini all'assediu di Mineu. Teodoto fu ammazzatu, e l'esercitu mussurmanu, abbannunannu Mineu, si diriggiu versu Castruggiuvanni unni li bizzantini s'avevanu ritiratu. Asbagh chi li so truppi cunquistau la cità vicina di Ghallûia, forsi Caltanissetta, cu lu scopu di cuntrullari lu tirritoriu a ovest dû ciumi Salsu.
Na pistilenza si diffunniu subbutu doppu a Ghallûia. Tra l'autri, puru Asbagh murìu.
Lu cuntribbutu strateggicu di l'opirazzioni di Asbagh
[cancia | cancia la surgenti]Mentri ca Asbagh cuntrullava lu tirritoriu a ovest dû Salsu, nu cuntingenti mussurmanu si diriggiu versu Palermu, assidiannu la cità. Di na manu la cità di Palermu nun putìa cchiù riceviri rinforzi bizzantini, pirchì l'esercitu bizzantinu era cuncintratu a Castruggiuvanni. Di n'autra manu, quannu la cità di Ghallûjia fu abbannunanta dî mussurmani, parti dî surdati mussurmani si diriggeru puru iddi a Palermu rinfurzannu l'assediu dâ cità. Palermu s'arrinniu l'annu addoppu a Othman-ibn-Kohreb, e l'assediu accuminzatu ntô 830 fu un episodiu ditirminanti ntî la cunquista mussurmana dâ Sicilia.
| Pridicissuri: |  - Cuvirnatura àrabbi di Sicilia -
|
Succissuri: |
|---|---|---|
| Zoheir-ibn-Ghauth | 830 - 830 | Othman-ibn-Kohreb |