Mazzara (TP)

Dâ Wikipedia, la nciclupidìa lìbbira.
(Rinnirizzata di Mazzara)
Mazzara
Mazara del Vallo-Stemma.png
Muttu: Inclita Urbs (citati celibbri)
Nomu ufficiali: Mazara del Vallo
Pruvincia: Tràpani (TP)
Superfici: 275,39 km²
Abbitanti: 51.164
Dinzitati: 175 ab./km²
Cumuni cunfinanti: Campubbeddu, Castelvetranu, Marsala, Pitrusinu, Salemi
CAP: 91026
Prifissu telefònicu: 0923
Situ ufficiali: http://www.comune.mazaradelvallo.tp.it/

Mazzara (nomu ufficiali Mazara del Vallo) è na citati di 51.164 abbitanti ca s'attrova a 52 chilòmitri di Tràpani, a 8 metri ncapu lu liveddu di lu mari. È nu mpurtanti centru agrìculu e suprattuttu marinaru, canusciutu comu unu di li porti pi varchi di pisca cchiù grossi d'Italia e di lu Mari Miditirràniu. È videmma nu ciurenti centru di cummerciu ìtticu e di bona attivitati viti-vinìcula. L'attività ecunòmica cchiù mpurtanti è la pisca.

È na citati a chianta quatrata ca sarva ancora li signa e li caràttiri cchiù mpurtanti di la duminazzioni slàmica n Sicilia.

Dintra lu tirritoriu di Mazzara è videmma prisenti n'òasi WWF, na la zona di Capu Fetu, china d'aceddi di mari e aquitrini. N'àutra òasi sta pi jiri li Jurghi Tunni, nu nzemi di lachi nicareddi di urìggini vurcànica dunni diversi speci di aceddi ripòsanu duranti li longhi viaggia.

Storia[cancia | cancia la surgenti]

Portu finiciu ntô sèculu VI e V a.C., passa a li Cartagginisi ntû 409 a.C. e a li rumani ntû 210 a.C.. Ntô 827 vinni uccupata di l'Àrabbi e ciurisci e si sviluppa comu paisi slàmicu ca nzinu a ora s'arricanusci ntra li strati, stratuzzi, vìi, vìiculi, vaneddi, chiazzi e curtigghi ntricati e ramificati comu lu paisi cchiù slàmicu d'Italia. Ntû 1072 veni cunquistata dû cunti Ruggeru I di Sicilia e ntû 1093 addiventa viscuvatu e ciurisci l'edificazzioni barocca di cresi e chiazzi. Àppi videmma nfluenzi di àutri culturi: nfatti, vìnniru li Nurmanni, li Bizzantini, li Svevi, l'Aragunisi e li Spagnoli.

L'arcu nurmannu di Mazzara
La Chiazza di la Ripùbbrica

Munumenta e loca ntirissanti[cancia | cancia la surgenti]

Di vìdiri cci sunnu:

  • la Catridali dû 1093, di orìggini nurmanna, custruita ncapu a na muschea pi vuliri di Ruggeru I di Sicilia. Cc'è na mpurtanti cumpusizzioni di sei stàtui dû 1532 di A. Gagini (la trasfigurazzioni);
  • la Chiazza di la Ripùbbrica cu la stàtua di Santu Vitu, patronu di la cità di Mazzara;
  • lu Siminariu, custruzzioni barocca dû 1710;
  • lu Palazzu Viscuvili dû 1596;
  • li jardina pùbbrici dintra lu centru citatinu, canusciuti videmma comu ville;
  • tanti àutri cresi mpurtanti, comu chiddi di Santu Franciscu, Santa Nicola Rigali (d'orìggini nurmanna), Santu Vitu a Mari, San Micheli, ca s'attròvanu puru iddi nta lu centru stòricu, oppuru chidda di Santu Vitu a mmari.

Ricentimenti, la citat di Mazzara addivintò famusa pi la stàtua greca di vrunzu dû Sàtiru danzantisèculu IV a.C., piscata di nu piscaturi mazzarisi ntô 1998 e ora espunuta nta l'ex Chiesa di S.Eggidiu, addivintata Museu dû Sàtiru. Lu Sàtiru Danzanti è òi ricanusciutu comu la principali attrazzioni turìstica di Mazzara.

Frazzioni[cancia | cancia la surgenti]

Mazzara havi sulu dui frazzioni ufficiali, Borgata Costiera (canusciuta comu "La Custera") e Mazara Due, di cchiù ricenti custruzzioni. Ntra li principali quarteri citadini va mmeci ammmintuata la Tonnarella, la zona balniari dû paisi ca si pòpula supratuttu pi la stati.

Mazzarisi cèlibbri[cancia | cancia la surgenti]

Giamillaggi[cancia | cancia la surgenti]

Lijami di fora[cancia | cancia la surgenti]

Commons-logo.svg
Nta Commons s'attròvanu àutri mmàggini rilativi a Mazzara (TP).