Mariu ammutta e Larenzu vannìa
Mariu ammutta e Larenzu vannìa è na sprissioni tìpica siciliana ca pò aviri dui significati ca si cuntràstanu ntra d'iddi.
Mariu e Larenzu su' dui vinnnituri ammulanti e, furiannu pô quarteri, unu ammutta lu carrettu e l'àutru ci fa' l'abbanniata; arifirrènnusi a sti dui, la sprissioni Mariu ammutta e Larenzu vannìa pò pigghiari sti dui significati:
- pò vuliri diciri ca sti dui chistiani fàciunu nu travagghiu ca putissi èssiri faciutu di unu sulu (mentri ca s'ammutta lu carrettu si poti macari vanniari) e ca, pi chissu, unu dî dui è supèrchiu e perdi tempu.
(Tanti voti si vìdunu situazzioni unni vèninu mpijati pi nu travagghiu cchiù cristiani dû nicissàriu, cô risurtatu ca na parti travagghia e n'àutra parti talìa: allura, nta stu casu, si pò diciri ca "Mariu ammutta e Larenzu vannìa"; - pò macari vuliri diciri ca, mmeci, Mariu e Larenzu su' du' cristinai ca cullàbburanu ntra d'iddi: unu ammutta e l'autru vannìa! Quannu veni usata sta sprissioni, pirò, si ntenni la cullabburazzioni ca si dùnunu dui cumpari misi d'accòrdiu p'arrivari a nu scopu, di sòlitu pi nenti cu bona ntinzioni.
(P'asempiu, Mariu voli cummìnciri a nu cristianu supra a quarchi cosa e ci porta tanti argumenti pi cummincìrilu, ma attrova risistenza; allura ntirveni Larenzu ca, dannu a capiri di nun aviri nuddu ntiressi, ci duna raggiuni a Mariu e porta àutri argumenti a favuri. Nta stu casu si pò dìciri ca "Mariu ammutta e Larenzu vannìa".
| Lingua Siciliana |
|---|
| Cosi di tutti jorna - Azzioni umani - Prufissioni - Sprissioni Tipici - Lingua Siciliana |
Sprissioni siciliani - Modi di diri
Ccà sutta s’attròvanu , spartuti pri òrdini alfabbèticu, na picca di sprissioni tìpichi siciliani e modi di diri.
| Sprissioni siciliani - Modi di diri |
|---|
| A - B - C - DE - F - G - HIJ - L - M - N - O - P - Q - R - S - TU - VZ |
A[cancia | cancia la surgenti]
sprissioni
|
significatu
|
ambitu
|
|---|---|---|
| Abbagnàricci u pani | pigghiari unu pi fissa | Scherzu |
| Abbagnàrisi prima di chiòviri | prioccupàrsi prima dû tempu | |
| Accattàrisi a grancascia | èssiri ntra la cuva | |
| Acchianari e scinniri scali dî tribbunali | iri firiannu uffici uffici | |
| Ammucca muschi | pirsuna uzziusa | Lagnusìa |
| Ammucca lapuni | pirsuna ca si fa pigghiàri pi fissa | Simpliciunirìa |
| Ammuttari û fumu câ stanga | fari un travagghiu nùtuli | |
| Armuzza scunzulata | pirsuna affritta | |
| Aviri a vucca duci e u culu amaru | unu chi si senti ô cuntrariu di zoccu dici |