Lagnusìa

La lagnusìa è lu caràttiri, l’attiggiamentu e lu cumpurtamentu di cu è lagnusu e cunsisti nti la mancanza di ditirminazzioni nni lu fari n'azziuni ca s'arriteni mpurtanti. Pi traslatu ssa palora addifinisci videmma lu "jiri alleggiu" di uggetti, pirsuna o armali.

Secunnu la catichisi di la cresia cattulica la pirsiviranza nti stu attiggiamentu porta cû tempu a unu di li sitti piccati capitali, a diri l'accidia. N'àutru sinònimu di lagnusìa è gnàvia ca Dante ntâ Divina Commedia punìa puru fora di li porti dû nfernu, a addinutari l'estremu disprezzu pi stu simili attiggiamentu. A liveddu juridicu la lagnusìa pò èssiri causa di negliggenzia e purtari accussì a danni a cosi o pirsuna.