Ammucca lapuni
N'ammuccalapuni è na pirsuna babbasunazza ca si fa pigghiari 'n giru fàcili fàcili, zoè ca nun àvi malizzia e cridi soccu cosa ci dìciunu.
A n'ammucca lapuni si ci po cuntari soccuegghiè. Si ci ponu cuntari cosi ca nun currispùnninu câ rialità tantu ca, pâ maravigghia, ci arresta a vucca raputa accussì di fàricci tràsiri d'intra i lapuna ca pàssunu di ḍḍocu.
Autri maneri di chiamari n'ammuccalapuni ponu siri: ammuccapassuluna, bacchittuni, sasizzuni, citrolu, ntrunatu, stunatu.
Pari ca a Missina si usa pi ricurdari i siguaci di nu magnati vinutu dâ Spagna.
Sprissioni siciliani - Modi di diri
Ccà sutta s’attròvanu , spartuti pri òrdini alfabbèticu, na picca di sprissioni tìpichi siciliani e modi di diri.
| Sprissioni siciliani - Modi di diri |
|---|
| A - B - C - DE - F - G - HIJ - L - M - N - O - P - Q - R - S - TU - VZ |
A
[cancia | cancia la surgenti] sprissioni
|
significatu
|
ambitu
|
|---|---|---|
| Abbagnàricci u pani | pigghiari unu pi fissa | Scherzu |
| Abbagnàrisi prima di chiòviri | prioccupàrsi prima dû tempu | |
| Accattàrisi a grancascia | èssiri ntra la cuva | |
| Acchianari e scinniri scali dî tribbunali | iri firiannu uffici uffici | |
| Ammucca muschi | pirsuna uzziusa | Lagnusìa |
| Ammucca lapuni | pirsuna ca si fa pigghiàri pi fissa | Simpliciunirìa |
| Ammuttari û fumu câ stanga | fari un travagghiu nùtuli | |
| Armuzza scunzulata | pirsuna affritta | |
| Aviri a vucca duci e u culu amaru | unu chi si senti ô cuntrariu di zoccu dici |