Mancàvanu scecchi â fera ?
Mancàvanu scecchi â fera ? o nun ci nn'èranu scecchi â fera ?, è na sprissioni tìpica catanisa ca veni usata pi significari ca, tanti voti, li suluzzioni dê pùbbremi, li risorsi, li cosi ùtili, chiddu ca ni servi l'avemu 'n casa, ma, anveci, li jemu a circari fora, purtannu nuvitati ca sunnu pirfittamenti nùtili.
Di unni veni sta sprissioni.
[cancia | cancia la surgenti]"Â fera" è unu dê mircati stòrichi di Catania, unni anticamenti vinìa fatta, tra l'àutri cosi, la fera di l'armali, e macari dê scecchi; picciò, si unu s'accattava[1] nu sceccu nta n'àutru paisi e, p'asèmpiu, nni cuntava li biddizzi o li qualitati di ssu sceccu, la rispusta era: picchì, mancàvanu scecchi a fera ? - zoè, c'era di bisognu ca ti l'accattavi fora (e ti facevi tutta ssa strata, e pirdevi ssu tempu, e pajavi ssi sordi supèrchiu pò viaggiu, nzumma ca facevi ssu tràficu), quannu abbastava ca jevi a fera di Catania p'aviri na granni quantitati di scigghiuta di scecchi ?
Asèmpiu d'usu di la sprissioni.
[cancia | cancia la surgenti]Tanti voti ntâ telivisioni videmu ca ci sunnu signurini, valletti, litterini, ca non sunnu taliani. Allura sintemu ca nun sannu parrari bonu mancu lu talianu. L'ùnica qualitati ca hannu è ca sunnu beddi fìmmini. Dunca, unu dici: Mancàvanu scecchi â fera ? - zoè, ma picchì nta l'Italia mancàvanu beddi fìmmini ca, ortri a èssiri beddi, sannu parrari macari 'n talianu ?
Ccà sutta s’attròvanu , spartuti pri òrdini alfabbèticu, na picca di sprissioni tìpichi siciliani e modi di diri.
| Sprissioni siciliani - Modi di diri |
|---|
| A - B - C - DE - F - G - HIJ - L - M - N - O - P - Q - R - S - TU - VZ |
A
[cancia | cancia la surgenti] sprissioni
|
significatu
|
ambitu
|
|---|---|---|
| Abbagnàricci u pani | pigghiari unu pi fissa | Scherzu |
| Abbagnàrisi prima di chiòviri | prioccupàrsi prima dû tempu | |
| Accattàrisi a grancascia | èssiri ntra la cuva | |
| Acchianari e scinniri scali dî tribbunali | iri firiannu uffici uffici | |
| Ammucca muschi | pirsuna uzziusa | Lagnusìa |
| Ammucca lapuni | pirsuna ca si fa pigghiàri pi fissa | Simpliciunirìa |
| Ammuttari û fumu câ stanga | fari un travagghiu nùtuli | |
| Armuzza scunzulata | pirsuna affritta | |
| Aviri a vucca duci e u culu amaru | unu chi si senti ô cuntrariu di zoccu dici |