Għarb

Dâ Wikipedia, la nciclupidìa lìbbira.
Jump to navigation Jump to search

Għarb (o L-Għarb) è na nica cità di 1.160 abbitanti situata ntâ zona cchiù a ovest di l'ìsula di Gozo, Malta.

La citati[cancia | cancia la surgenti]

La zona cchiù antica dû borgu è visìbbili ô centru dâ cità, unni certiduni casi ammùstranu barcuna 'n petra finimenti travagghiata. Għarb addivinìu parrocchia ntô 1679, nu fattu ca desi valìa pâ custruzzioni di na nova cresia parrucali barocca. Custruiuta dû 1699 ô 1729, havi n'eliganti facciata ca hà statu paraunata a chidda di Francesco Borromini dâ Cresia di Sant'Agnìsi 'n Agnuni ntâ Chiazza Navona a Roma. La chiazza dû paisi, tradizziunarmenti gozzitana, addivinìu lu suggettu di assai cartulini e fotugrafìi. Nti chista s'affaccia nu Museu dû Fulkuri ca havi na granni cugghiuta di memorabilia ca cùntanu la storia campagnola di l'ìsula. Għarb s'attrova nti unu dê lòchi cchiù panuràmici di Gozo: lu poju di Dbiegi, lu puntu cchiù àutu di l'ìsula.

Dintra li cunfini di Għarb s'attrova macari la Cappella di San Dimitriu ca, secunnu la liggenna, vinni 'n urìggini custruiuta a strachiummu ntâ scugghiera di na fìmmina ca San Dimitriu ci avìa libbiratu lu figghiu dâ priunìa.

Sempri ntê vicinanzi s'attrova la Basìlica di ta' Pinu, principali locu di pilligrinaggiu di l'ìsula pô cultu dâ Vìrgini Maria. Fu ccà ca ntô 1883 na fìmmina sintìu la vuci dâ Madonna.

Gimillaggi[cancia | cancia la surgenti]

Liami Esterni[cancia | cancia la surgenti]