Floriana (Malta)

Dâ Wikipedia, la nciclupidìa lìbbira.
Jump to navigation Jump to search

Floriana (o Il-Furjana) è na cità di Malta situata ô quantu dâ capitali Valletta.

Lu nomu dâ cità veni dû ncigneri militari talianu Pietro Paolo Floriani di Macirata, ca pruggittau li furtificazzioni dâ cità.

Nti ogni casu la cità risidinziali attuali è lu risurtatu dû travagghiu dû Granni Maistru purtughisi Antonio Manoel de Vilhena, di chistu Floriana manteni lu nomu Borgu Vilhena o Cità Vilhena.

La cresia arciviscuvili di Floriana è didicata a San Pubbliu, ca veni tradizziunarmenti cunzidiratu lu primu vìscuvu di Malta. Fu lu stissu Pubbliu ca desi uspitalità a l'apòstulu Santu Paulu ntô sò naufraggiu nti l'ìsula, citatu nti l'Atti di l'Apòstuli. San Pubbliu è macari unu dê Santi Patroni di Malta.

Pi assai anni Chiazza San Publju (zoè Chiazza San Pubbliu) a Floriana hà statu unu dê lochi cchiù mpurtanti unni s'hannu svurgiutu l'avvinimenti cchiù significati dâ storia di Malta. È ca nnô mentri dâ vìsita dû Papa Giuvanni Paulu II nti l'ìsula, vinni tinuta la cirimonia di biatificazzioni dê tri maltisi Patri Gorg Preca (funnaturi dâ Sucità di Duttrina Cristiana), Injazju Falzon e Soru Maria Adeodata Pisani.

Liami Esterni[cancia | cancia la surgenti]