Falconiformes

? Falconiformes
Classificazzioni scintìfica
Duminiu: Eukaryota Suprafilu: Deuterostomia Filu: Chordata Suttafilu: Vertebrata Supraclassi: Tetrapoda Classi: Aves Òrdini: Falconiformes Sharpe, 1874

Falconiformes (SHARPE, 1874) sunnu n'òrdini d'aceḍḍi neurniti cu na sula famigghia: Falconidae. 'N sicilianu si chiàmanu 'n ginirali farchi (sing. farcu).

Puru ca sunnu rapini comu àculi e vuturi, i Falconiformes sunnu cchiù assai mparintati cu Psittaciformes e Passeriformes ntâ cladi Eufalconimorphae.

Discrizzioni

L'aceḍḍu cchiù nicu di st'òrdini è Microhierax fringillarius, longu 14-16 cintìmitri e cu na raputa alari di 27-32 cm, mentri u cchiù granni è Falco rusticolus, ca po pisari nzinu a 1,75 grammi.

Tutti i speci sunnu munògami.

Dieta

Tutti i Falconiformes sunnu carnìvuri, puru si quarchi speci agghiunci purziuna nichi di frutta (comu fa Milvago chimachima). 'N ginirali, sunnu picca li speci ca ànnu na spicializzazzioni pi un tipu di preda sula e l'armali ca ponnu finiri sutta ê granfi di st'aceḍḍi sunnu autri aceḍḍi, scursuna, licerti, ciloni, giurani, lagrunchi, pisci, crustàci e nzetti. I farchi pirò, nun ammàzzanu i predi chî granfi, ma cû pizzu ca veni nziccatu ntê catinazzi dû coḍḍu, purtannu a na morti lesta. Mi s'ajùtanu, ànnu chiḍḍu ca veni chiamatu u "denti di farcu".

Tassunumìa e Classificazzioni

'N tuttu si ponnu cunzidirari tri suttafamigghi: Herpetotherinae, Falconinae e Polyborinae.

Falconidae	Herpetotherinae   Herpetotheres     Micrastur – 7 speci       Falconinae     Polihierax     Microhierax – 5 speci         Neohierax     Falco – 39 speci       Polyborinae   Spiziapteryx       Caracara – 2 speci       Ibycter       Phalcoboenus – 4 speci       Daptrius     Milvago – 2 speci

Tutti li speci di Falconiformes, spartuti pi suttafamigghia, si ponnu vìdiri ntâ tabbella cca sutta: