Aceddu
| Acedda | |||||||||||
|---|---|---|---|---|---|---|---|---|---|---|---|
 | |||||||||||
| Classificazzioni scintìfica | |||||||||||
| |||||||||||
|
|
L'auceḍḍi (Aves LINNAEUS 1758) sunnu na classi di dinusauri teròpudi veru spicializzati cu pizzi senza denti, sangu càudu (omeotermi), cummigghiati di chiumi e ossa vacanti ma ribbusti. L'arti antiriuri stracanciati a addivintari ali.
Nomu
[cancia | cancia u còdici]Lu nomu auceḍḍu è la furma auta, a liveḍḍu pupulari la forma cchiù usata e canusciuta è aceḍḍu. Sta parola veni dû latinu aviculus, diminutivu di aves "aceḍḍu".
Discrizzioni e carattìristichi
[cancia | cancia u còdici]Grannizzi
[cancia | cancia u còdici]L'aceḍḍu cchiù nicu è Mellisuga helenae, longu 5-6 cm e pisanti 2 g. L'aceḍḍu cchiù granni era Aepyornis maximus, ca scumparìu nta tempi stòrici e stava ô Madagascar, ca arrivava a n'autizza di 3 m. Accamora âceḍḍu cchiù granni è Struthio camelus.
Volu
[cancia | cancia u còdici]L'adattamenti chi pirmèttinu lu volu sunnu chisti ca sicùtanu:
- Li pinni: sunnu capaci di sustèniri l’armali ntô volu e fari scùrriri megghiu l’aria supr'â superfici.
- L'ali, dirivanti dî jammi avanti.
- Lu pettu carinatu, chi pirmetti la nzitata dî putenti mùscula pitturali, nicissari pû volu.
- A caminata bìpedi, nicissaria pi libbirari l'ali dû còmpitu di sustèniri lu corpu.
- L'ossa vacanti, chi cuntèninu sacchi d'aria culligati chî purmuna.
Pizzu e dieta
[cancia | cancia u còdici]
U pizzu è na struttura anatòmica ca âceḍḍi ùsanu nun sulu pi manciari, ma macari p'annittàrisi li pinni, manijari uggetti, ammazzari i predi, p'arricircari u manciari, pi nutricari i puḍḍicini e, nta certi casi, pi cucciulijari.
U pizzu è furmatu d'ossu (masciḍḍa e gangularu) cummigghiatu di nu stratu di chiratina ca si chiama ranfuteca. Sta fòdira, di sutta, è china di tirminazzioni nirbusi e capiḍḍari, adunca è un tissutu vivu. Nta certi aceḍḍi a punta è fatta di tissutu mortu e citrignu, ùtili pi rùmpiri e spirtusari. Nta autri speci, mmeci, a punta è accussì sinzìbbili ca è capaci mi senti l'armaleḍḍi ca stannu ammucciati sutta â rina.
Di st'usu si nn'addunau Charles Darwin quannu passau pî Galapagos, taliannu i pizzi d'âceḍḍi adattati pi diversi tipi di ecusistema.
Mancannu di denti, âceḍḍi arricògghinu u manciari ntô giseri, na speci di stòmmacu ca àvi a funzioni di capulijari. Pi facilitari sta cosa, l'armali s'agghiùttinu pitruḍḍi, comu si sapi facìanu macari certi dinusauri. A sicunnu dâ dieta, sta Classi si po spàrtiri:
- granìvuri, ca màncianu granu e simenti. Chisti su': pàssari, spinzuna, cardiḍḍi e autri aciḍḍuzzi di jardinu;
- nzittìvuri, pizzuferri, merri e rusignoli, ca màncianu nzetti e vermi;
- fruggìvuri, comu ê tucani e certi speci di pappajaḍḍi, ca màncianu frutta;
- nittarìvuri, comu u culibbrì, ca si nùtricanu dû nèttari dî ciuri;
- piscìvuri, cu la dieta cumposta di pisci. Appàrteninu a sta catigurìa l'aculoccia di mari, i pinguini, smerghi, cormorani, pulcinelle di mare e altri uccelli acquatici;
- avìvuri, comu ponnu èssiri spriveri, spriviruna e autri rapini cchiù granni, ca si nùtricanu di autri aceḍḍi;
- mullusìviri, ca màncianu di molluschi come mammalucchi, babbaluci, còcciuli e òstrichi;
- carnìvuri, ca màncianu rusicanti, mammìfiri nichi, rèttili e anfibbi;
- ovìvuri, ca si màncianu l'ova di autri vulatura.
Cantu e sistema rispiratoriu
[cancia | cancia u còdici]A rispirazzioni d'âceḍḍi è veru cumplessa.
Evuluzzioni e classificazzioni
[cancia | cancia u còdici]L'aceḍḍi sunnu l'ùnici discinnenti viventi di l'òrdini estintu dî Dinusauri. Ntô 1860 fu truvatu â Baviera, prima na pinna e appoi u fòssili dû schèlitru di chiḍḍu ca era n'aceḍḍu, ma cu carattirìstichi strani, comu na cuda longa e senza pizzu. Era Archaeopteryx e fu cunzidiratu sùbbitu l'antinatu d'âceḍḍi, senza pirò ca nuḍḍu s'addunassi dâ lijami chî dinusauri. Thomas Henry Huxley, scinziatu darwinianu, quarchi annu doppu, prupunìu na lijami ntra aceḍḍi e dinusauri tiròpudi, cunzidirànnuli pirò parenti â luntana. Sulu nta l'anni '70 si capìu ca i du' classi di armali èranu assai cchiù vicini di quantu s'avìa pinzatu.
| Rèttili |
| |||||||||||||||||||||||||||||||||
| Acedda | |
|---|---|
| classi: | Aves |
| òrdini | |
|
Nfraclassi Palaeognathae Nfraclassi Neognathae
| |