Va ô cuntinutu

Elizzioni riggiunali 'n Sicilia di lu 2017

Dâ Wikipedia, la nciclupidìa lìbbira.
Elizzioni riggiunali 'n Sicilia di lu 2017
Statu Bannera di l'Italia Italia
Riggiuni Sicilia Sicilia
Data 5 di nuvèmmiru 2017
Vutanti 46,76 % ( 0,66 %)
Liggislatura XVII
Candidatu Nello Musumeci Giancarlo Cancelleri Fabrizio Micari
Partitu #DiventeràBellissima Muvimentu 5 Stiddi Partitu Dimucràticu
Cualizzioni Centru-destra Nuddu Centru-manca
Vuta 830.821
39,85 % 		722.555
34,65 % 		388.886
18,65 %
Siggi
36 / 70
20 / 70
13 / 70
Diffirenza % 14,12% 16,48% 11,82%
Diffirenza siggi 15 5 26
Prisirenti niscenti
Rosario Crocetta (Lu Migafunu - Lista Crocetta)
2012 2022

Li elizzioni riggiunali 'n Sicilia di lu 2017 pi lu rinnovu di l'Assimbrea Riggiunali Siciliana e l'elizzioni di lu Prisidenti dâ Riggiuni Siciliana, avrannu locu 'n Sicilia sicunnu l'art. 3 di lu statutu sicilianu, lu 5 di nuvèmmiru comu privistu da lu Dicritu dû Prisirenti dâ Riggiuni n. 445 dû 1 di sittèmmiru 2017[1].

Antifattu

[cancia | cancia lu còdici]

Li pricidenti elizzioni

[cancia | cancia lu còdici]

Li elizzioni pricidenti ca si tinninu lu 28 di uttùviru 2012, vittiru la vittoria stòrica di lu centru-manca guirata da Rosario Crocetta, ex cumunista e puliticu antimafia da quannu era sinnacu di Gela. Lu centru-manca vincìu cu lu 30,47% dî vuti ca li cunsintìu di pigghiari 39 siggi cu tuttu lu premiu di maggiuranza, quannu p'avìri la maggiuranza assuluta ni sirvìanu 46. Lu stòricu risurtatu di lu centru-manca avvinni grazzì a la divisioni pulitica di lu centrudestra, tra Nello Musumeci, candidatu dû Pòpulu dî Libbirtati (PDL) e Gianfranco Micciché, candidatu da li aùtunumiì e da l'arìa cchìu mudirata di lu centrudestra. Da l'elizzioni niscìu scunfittu lu PDL ca pigghiau lu 12,91% di cunsensi contru lu 33,42% di l'elizzioni dû 2008. Lu Muvimentu 5 stiddi è lu partitu cchìu vutatu a l'elizzioni riggiunali cu lu 14,88% di cunsensi, ca li pirmettiu di uttiniri 15 siggi. Lu datu chi privalìu fu l'astensiunismu, li siciliani disirtaru li urni cu sulu lu 47,41% di affluenza.[2][3][4][5]

Crocetta nun s'arricandida

[cancia | cancia lu còdici]

A frivaru 2017 lu Prisirenti dâ Riggiuni Siciliana, Rosario Crocetta, annunzia la sò ricannidatura e prisenta lu sò novu muvimentu puliticu, #RipartiSicilia[6]. Quannu lu Partitu Dimucràticu (PD) addumanna a Pietro Grasso di candidarisi a Prisirenti pi l'elizzioni dû 5 di nuvèmmiru, Crocetta dichiara ca è dispunibili a ritirari la sò candidatura e a sustiniri chidda di Grasso, ca pirò rifiuta e cumferma la sò indispunibilitati[7][8][9]. A giugnettu Crocetta addumanna li primariì di lu centru-manca e dichiara lu sò dirittu a la ricandidabilitati[10][11], ca pirò arritira dopu nu ncontru cu sicritariu Matteo Renzi, pi sustiniri chidda dû candidatu dû PD, lu ritturi di l'Universitati di Palermu, Fabrizio Micari[12].

Sistema eletturali

[cancia | cancia lu còdici]

La liggi custituzionali n° 2 dû 7 di frivaru 2013 diminuiu di 20 lu nùmmaru dî cumpunenti di l’ARS, ca nfinu a la cchìu ricenti liggi elitturali prividìa l'elizzioni di 90 diputati[13][14]. Lu sistema eletturali riggiunali 'n Sicilia priviri nu mètudu mistu 'n larga parti prupurzionali ma cu nu currettivu maggiuritariu sicunnu la prucidura di la Liggi Riggiunali dû 3 di giugnu 2005, n. 7[15][16]:

  • 62 diputati scigghiuti attraversu lu sistema prupurzionali su basi pruvinciali, cu lu metudu di li cchìu avuti resti e votu di prifirenza, cu nu sbarramentu eletturali a lu 5% riggiunali pi lista.
  • 6 diputati vennu eletti sicunnu lu sistema dû premiu di maggiuranza.
  • 1 diputatu è lu prisirenti elettu.
  • 1 diputatu è lu migghiuri prisirenti nun elettu.

Lu premiu di maggiuranza veni assignatu si la lista o cualizzioni cullijati a lu novu prisirenti nun havì almenu 42 diputati eletti. Li siggi vennu spartuti siccunu l'òrdini di prisintazioni di la lista riggiunali (listinu) e pi quanti ni servunu p'arrivari a 42 siggi. Si lu nùmmaru di siggi di lu novu prisirenti e pari o supiriori a 42 , vennu spartuti a la cchìu vutata lista nun cullijata a lu novu prisirenti.

Mudalitati di votu

[cancia | cancia lu còdici]

L'elitturi havì dui pussibilitati di votu, unu pi la lista riggiunali e l'àutra pi la lista pruvinciali. Lu votu a li listi pruvinciali e a chiddi riggiunali avveni ntâ stissa scheda sicunnu li sicuenti mudalitati[15][16]:

  • Nni l'ammitu di la lista pruvinciali scelta, l'elitturi esprimi lu sò votu tracciannu nu signu nnô contrassignu currispunnenti a la lista e esprimiri na prifirenza scrivennu nni la riga lu cognomi (o nomu e cognomi) di unu di cannidati diputati alla riggiuni appartinenti a la lista.
  • Lu votu pi la lista riggiunali s'esprimi tracciannu nu signu nnô nominativu di lu cannidatu a la càrica di prisirenti, cioè tracciannu nu signu su lu cuntrassignu dâ lista riggiunali scelta. Si l'elitturi avissi a signari sia lu nominativu ca la lista riggiunali, lu votu s'intendi validamenti espressu.
  • È pussibili lu votu disgiuntu, l'elittori pò validamenti vutari na lista riggiunali e na lista pruvinciali nun cullijati tra ri iddi.
  • Si l'elitturi vuta sulu pi la lista pruvinciali, lu votu veni assignatu puru a la lista riggiunali cullijata (effettu trascinamentu)[17].
  • Sunnu annulati li schedi chi hannu nnicazioni di votu a cchìu listi riggiunali o chi cumunqui nun cunsentunu di nnividuari la scelta pulitica di l'elitturi.

Siggi ê cullegi pruvinciali

[cancia | cancia lu còdici]
Ripartizioni dî siggi[18]
Cullegi Pupulazioni Quozienti Restu Siggi Siggi 2012
Caltanissetta 273.099 3 31.023 3 4
Catania 1.078.766 13 29.770 13 17
Enna 173.451 2 12.067 2 3
Girgenti 446.837 5 43.377 6 7
Missina 649.824 8 4.288 8 11
Palermu 1.243.585 15 33.205 16 20
Rausa 307.492 3 65.416 4 5
Sarausa 399.933 4 77.165 5 6
Trapani 429.917 5 26.457 5 7
Tutali 5.002.904[19] 58 - 62 80

Candidaturi a la Prisirenza

[cancia | cancia lu còdici]

Lu 20 di sittèmmiru 2017 ha statu pubbricatu nta Gazzetta lu dicritu di cunvucazzioni di li cumizi elitturali e lu ratizzu dî siggi nta li cullegi pruvinciali[20]. Li cannidaturi a prisirenti e li listi sunnu stati prisintati lu 5 e lu 6 di uttùviru 2017 cu scarenza a li ori 16:00 dû 6 di uttùviru.

Candidaturi ammissi

[cancia | cancia lu còdici]
  • Nello Musumeci: Lu 28 di aprili, lu muvimentu #DiventeràBellissima, ufficializza la cannidatura di l'ex prisirenti dâ Pruvincia di Catania e ex suttasicritariu, e la chiusura a lu centru-destra[34]. Lu 27 di giugnettu Frati di Talia - Allianza Nazziunali annunzia ca prisenterà na lista a sustegnu di Musumeci[35]. Lu 5 di austu puru Nuatri cu Salvini annunzia lu sustegnu a la cannidatura a prisirenti di Musumeci[36]. Stefano Parisi cu lu muvimentu "Enirgii pi l'Italia" susteni la cannidatura di Musumeci[37]. Puru lu vicicummissariu di ll'UDC 'n Sicilia, Girolamo Turano, annunzia lu sustegnu a Musumeci[38]. Lu 29 di austu lu cuurdinaturi riggiunali di Forza Italia Gianfranco Miccichè annunzia lu ritiru di la candidatura di l'ex Assissuri a l'Ecunumia Gaetano Armao e lu sustegnu a Musumeci[39]. Lu 1º di sittèmmiru l'ex ritturi di l'Universitati di Palermu, Roberto Lagalla, annunzia lu ritiru di la cannidatura a prisirenti[40] e lu sustegnu di la sò lista Idea Sicilia, nzemi a Canteri Pupulari, MpA, Novu CDU e Siciliani Indignati, a la candidatura di Musumeci[41][42]. Lu 18 di sittèmmiru Scelta Civica e lu Partitu Libbirali Italianu annunzianu ca prisentirannu li cannidati a lu nternu dâ lista di Forza Italia[43][44]. Vittorio Sgarbi sustinutu da Rinascimentu e Mudirati 'n Rivuluzzioni, c'àvianu annunziatu la cannidatura, lu 28 di sittèmmiru s'arritira dichirannu lu sustegnu a Musumeci.[45] Lu 5 di uttùviru Musumeci prisenta ufficialmenti li sò cannidaturi a lu listinu dû prisirenti[46].
  • Roberto La Rosa: Lu 9 di giugnettu lu muvimentu nnipennintista Siciliani Liberi, annunzia la cannidatura di l'avvucatu La Rosa[47]. Lu 5 di uttùviru prisenta la sò cannidatura a prisirenti e lu listinu riggiunali[48].

Candidaturi rispinti

[cancia | cancia lu còdici]
  • Pierluigi Reale: Lu 6 di uttuvirù prisenta la sò cannidatura a prisirenti e lu listinu riggiunali cu la lista Casapound[49]. Lu 10 di uttùviru, la corti d'appeddu di Palermu rispingi la cannidatura[50].
  • Franco Busalacchi: Lu 17 di giugnettu, cu na cunfirenza stampa, Busalacchi prisenta la sò cannidatura, lu simmùlu e dui assissuri[51]. Lu 6 di uttuvirù prisenta la sò cannidatura a prisirenti e lu listinu riggiunali cu la lista Nuatri Siciliani - Sicilia libbira e suvrana[52]. Lu 9 di uttùviru, la corti d'appeddu di Palermu rispingi la cannidatura[53][50].
  • Piera Maria Loiacono: Lu 27 di giugnu la demucristiana Loiacono si candida a la prisirenza[54]. Lu 6 di uttuvirù prisenta la sò cannidatura a prisirenti e lu listinu riggiunali cu la lista Lista civica pû travagghiu[55]. Lu 10 di uttùviru, la corti d'appeddu di Palermu rispingi la cannidatura[50].

Quatru puliticu

[cancia | cancia lu còdici]
Listi Riggiunali Cullucazioni Idiolugia Leader
Micari Prisirenti- La Sfida Gintili
Listi pruvinciali: Partitu dimucràticu, Altirnativa Pupulari - Cintristi X Micari, PDR - Sicilia Futura - PSI, Arcipegalu Sicilia - Muvimentu dî Tirrituri 		Centru-manca Sucialdimucrazzìa, Eurupiismu, Sucialìsimu dimucràticu, Ammientalismu,
Libbiralìsimu, Cristianesimu dimucràticu, Centrismu, Sucialismu Libbirali 		Fabrizio Micari
'N Sicilia Nello Musumeci Prisirenti
Listi pruvinciali: #DiventeràBellissima - Pâ Sicilia, Forza Italia, Frati di Talia - AN - Allianza pâ Sicilia - Nuatri cu Salvini, Sicilia Vera - Libertas - Riti Dimucràtica - Unioni di Centru, Idea Sicilia - Pupulari e Autunumisti 		Centru-destra,
destra 		Libbiralìsimu, Eurupiismu, Suvranismu, Nazziunalismu, Pupulismu di destra,
Destra suciali, Cristianesimu dimucràticu, Riggiunalismu, Euruscetticisimu, Cunsirvaturisimu libbirali 		Nello Musumeci
MuVimentu 5 Stiddi
Listi pruvinciali: MuVimentu 5 Stiddi
 Trasvirsalisimu Dimucrazzia diretta, Euruscetticisimu, Ammientalismu, antipartitucrazia,
anticurruzioni, Pupulismu 		Giancarlo Cancelleri
Siciliani Libbiri
Listi pruvinciali: Siciliani Libbiri
 Trasvirsalisimu 'Nnipinnintisimu sicilianu, Euruscetticisimu Roberto La Rosa
Centu Passi pâ Sicilia - Claudio Fava prisirenti
Listi pruvinciali: Centu Passi pâ Sicilia
 Sinistra, Sinistra radicali Sucialdimucrazzìa, Eurucumunismu, Sucialismu dimucràticu, Ammientalismu, Cumunismu, Libbiralismu suciali,Ligalitarisimu Claudio Fava

Centru-manca

Centru-destra/destra

Sinistra

Campagna Elitturali

[cancia | cancia lu còdici]

La campagna elitturali 'n Sicilia ha statu carattirizzata da polemica e liti tra li cannidati a la prisirenza di la riggiuni, ca viri comu principali prutagunisti Giancarlo Cancelleri e Nello Musumeci, leaders di lu Muvimentu 5 Stiddi e dâ cualizzioni di centru-destra.

Lu slogan di lu primu manifestu elitturali di Musumeci è "l'unicu pizzu ca piaci a li siciliani", 'n riferimentu a la sò varba, pi puntari a la ligalitati e a la lotta â corruzzioni[56]. Lu 1° di sittèmmiru Musumeci annunzia l'unitati di lu centru-destra e li sò novi assissuri, li ex cannidati a la prisirenza di la riggiuni, Gaetano Armao (Siciliani Indignati) e Roberto Lagalla (IdeaSicilia)[57]. Una simana cchìu tardi Forza Italia rapi la campagna elitturali di lu centrudestra ô tiatru pulitiama di Palermu, d'unni nun participa Armao dopu li pulemichi pû listinu riggiunali[58][59]. Dopu li accusi di l'avvirsari su li mprisintabbili e la prisentazioni di la cannidatura di lu figghiu di l'ex diputatu PD Francantonio Genovese, Musumeci richimau a la ligalitati li listi di la sò cualizzioni[60], nunustanti li pruclami li listi prisintaru li cannidati ndagati e sutta prucessu[61]. Lu 13 e 24 di uttùviru vennu cunnannati Carmelo Pino, ex sinnacu di Milazzu, e Ernesto Calogero, cannidati nta li listi di lu centrudestra[62][63]. Silvio Berlusconi annunzia la sò prisenza a Palermu lu 1° di nuvìmmiru[64].

La campagna elitturali di Giancarlo Cancelleri nizziau cu lu tour 'n Sicilia cu lu viciprisirenti di la camira Luigi Di Maio e Alessandro Di Battista, contru li privilegi dî diputati di l'ARS, e appi comu prima tappa Marina di Rausa[65]. Lu 15 di sittèmmiru Cancelleri lanza n'appeddu a la Cummissioni parramintari antimafia ri vigilari li listi di li cannidati â riggiuni[66]. A prisintazioni uffiali dî listi, Cancelleri pubblica li nomi di mpresintabbili nta li fila dû centrudestra[67], lu stissu Di Maio addumanna a l'OSCE di vigilari l'elizzioni 'n Sicilia[68], richiesta c'adduma li pulemichi di l'avvirsari, e c'arricivi lu siccu no dû Ministru dû Nternu, Marco Minniti[69]. Lu 19 di uttùviru lu muvimentu prisenta n'espostu contru li listi di Micari e Musumeci pi la validitati di la ducumentazioni prisintata[70]. Beppe Grillo annunzia lu sò tour 'n Sicilia pi chiuìri la campagna elitturali di Cancelleri[71].

Fabrizio Micari nizziau la sò campagna elitturali a Catania, d'unni prupuni nu canciu di marcia rispettu a lu guvernu Crocetta, ri cui sarva sulu chiddu ca fici pi lu bilanciu riggiunali[72]. Dopu li pulemichi pâ sò cannidatura e li dimissioni nun annunziati a la càrica di ritturi a l'Universitati di Palermu[73], annunzia lu cungedu urdinariu c'addiventirà straurdinariu lu 5 di uttùviru, a prisentazioni di cannidatura[74]. 'N secuitu a l'accusi di Cancelleri di imprisintabilitati pi li candidati nni li listi di lu centru-manca, Micari abbannuna la sò sfida gintili e accusa di parintopuli lu Muvimentu 5 Stiddi[75]. Tanti li pulemichi contru li sundaggi, cu Micari chi accusa di manipulazioni cû tintativu di cumminciri li siciliani ca li jochi sunnu fatti[76]. Lu 27 di uttùviru Matteo Renzi a Catania pi sustiniri la cannidatura di Micari, rispunni a li accusi di disimpegnu pi l'elizzioni siciliani[77].

Lu 18 di sittèmmiru Claudio Fava lanza la lista "Centu passi pâ Sicilia", comu lu firm su Pippinu Impastato ri cui iddu stissu hà statu sciniggiaturi[78], criannu pulemichi cu Giovanni Impastato, frati di Pippinu, contru l'usu strumintali di la mmàgini dû frati nta lu mpegnu puliticu elitturali[79]. Cuntinui li priuccupazioni di infiltrazzioni mafiusi dintra la turnata elitturali, cu li accusi a Micari e Musumeci di òmini lijati a la mafia dintra li listi pruvinciali a iddi cullijati[80]. La campagna elitturali vitti na granni tinzioni cu lu centru-manca su sundaggi e votu utili[81], cchìu sintunia nveci cu Giancarlo Cancelleri, cu Fava chi rapi a na pùssibili cunvirgenza di prugramma[82]. Lu 21 di uttùviru prisenta li sò assissuri, e turnannu a li sunnaggi, riorda ca nun curri p'arrivari ô terzu postu ma pi vinciri[83].

Lu 28 di Austu a Missina, Roberto La Rosa prisenta la lista pruvinciali di Siciliani Libbiri e rapi la campagna elitturali contru lu culonialismu ntê cunfronti dâ Sicilia, parrannu di li 10 miliardi di euru di prilievu di lu Statu Italianu[84]. La Rosa accusa li avvirsari di nun aviri nu prugramma pâ Sicilia ma sulu logichi spartitori[85]. Lu 26 di sittèmmiru, 'n secuitu a l'ipotesi di la stampa di n'allianza ê rggiunali cu Vittorio Sgarbi, La Rosa annunzia ca nunn'è ntirissatu a allianzi cu li partiti italiani[86]. Lu 5 di uttùviru a la prisentazioni dâ ducumentazioni dî listi, lu muvimentu dinunzia un erurri nta li moduli, d'unni nun veni citata la liggi Severino[87]. Dopu la prisentazioni di tutti li listi riggiunali e pruvinciali, La Rosa metti 'n dubbiu la rigularitati dî listi di centru-manca e centru-destra[88], e nzemi a lu Muvimentu 5 Stiddi, prisenta un espostu a li prucuri siciliani[89].

Sundaggi

[cancia | cancia lu còdici]

Elencu di sundaggi ca vannu da sittèmmiru a uttùviru 2017. Li cannidaturi a prisirenti e li listi foru prisintati lu 5-6 di uttùviru.
Lu 21 di uttùviru scatta lu divietu di divulgazioni[90].

Data Istitutu Musumeci Cancelleri Micari Fava La Rosa Sgarbi Àutri Distaccu
20 di Uttùviru 2017 Demos & Pi 35.5 33.2 15.7 13.8 1.8 - - 2.3
20 di Uttùviru 2017 Demopolis 36.0 35.0 21.0 7.0 1.0 - - 1.0
18 di Uttùviru 2017 Keix 33.0 33.2 24.2 7.6 1.6 - - 0.2
18 di Uttùviru 2017 Index research 35.0 32.0 22.0 9.0 2.0 - - 3.0
13 di Uttùviru 2017 Demopolis 35.0 33.0 22.0 9.0 1.0 - - 2.0
11 di Uttùviru 2017 Piepoli 42.0 33.0 16.0 9.0 n.d. - 1.0 9.0
5 di Uttùviru 2017 Index research 37.0 30.0 20.0 10.0 n.d. n.d. 3.0 7.0
5 di Uttùviru 2017 Demopolis 34.5 32.0 22.5 9.0 n.d. n.d. 2.0 2.5
2 di Uttùviru 2017 Tecnè 36-38 30-32 14-16 10-12 n.d. n.d. 5-7 6.0
23 di Sittèmmiru 2017 Ipsos 38.0 31.0 13.0 10.0 n.d. 5.0 3.0 7.0
23 di Sittèmmiru 2017 Piepoli 37.0 29.0 28.0 4.0 n.d. n.d. 1.0 8.0
21 di Sittèmmiru 2017 Index Research 36.0 30.0 15.0 16.0 n.d. n.d. 3.0 6.0
18 di Sittèmmiru 2017 Piepoli 42.0 25.0 8.0 25.0 n.d. n.d. n.d. 17.0
5 di Sittèmmiru 2017 Demopolis 34.0 35.0 22.0 6.0 n.d. n.d. 3.0 1.0

Comu si nota da li sunnaggi si priviri nu testa a testa tra Nello Musumeci e Giancarlo Cancelleri pi la prisirenza di la Riggiuni Siciliana, cu la cualizzioni a sustegnu a Fabrizio Micari ô terzu postu insidiatu dâ lista Centu passi pâ Sicilia di Claudio Fava, urtimu e fora lu sbarramentu, lu cannidatu nnipinnintista Roberto La Rosa. Mpurtanti pi li cannidati è la cunquista di la granni fedda ri indicisi (nu quartu di elittura siciliani) e di li putinziali elittura astinsionisti. Li rilivazioni prividunu ca chiossai di la mitati di la pupulazioni siciliana nun prisentirà a li urni.

Exit poll

[cancia | cancia lu còdici]
Data Istitutu Musumeci Cancelleri Micari Fava La Rosa
5 di Nuvèmmiru 2017 Piepoli - RAI 35-39% 33-37% 16-20% 7-11% -
5 di Nuvèmmiru 2017 EMG - La7 36,5-39,5% 34-37% 16-20% 6-9% 0-2%

Affluenza

[cancia | cancia lu còdici]

Li dati di l'affluenza sunnu ca riepilugati:[91]

Circuscrizioni 12:00 19:00 22:00 Elizzioni 2012 - 22:00
Elitturi Vutanti % Elitturi Vutanti % Elitturi Vutanti % Elitturi Vutanti %
Caltanissetta 278.368 24.298 8,73% 278.368 83.355 29,94% 278.368 110.881 39,83% 279.275 115.488 41,35%
Catania 986.303 125.143 12,69% 986.303 392.052 39,75% 986.303 508.750 51,58% 975.664 498.472 51,09%
Enna 201.380 14.968 7,43% 201.380 54.830 27,23% 201.380 75.872 37,68% 198.495 82.781 41,70%
Girgenti 483.996 39.198 8,10% 483.996 146.109 30,19% 483.996 191.647 39,60% 480.190 198.512 41,34%
Missina 586.346 62.066 10,59% 586.346 238.665 40,70% 586.346 303.091 51,69% 591.873 303.300 51,24%
Palermu 1.112.320 126.815 11,40% 1.112.320 404.270 36,34% 1.112.320 516.168 46,40% 1.112.363 514.767 46,28%
Rausa 267.567 30.085 11,24% 267.567 100.600 37,60% 267.567 127.049 47,48% 264.277 131.150 49,63%
Sarausa 359.715 43.983 12,23% 359.715 138.193 38,42% 359.715 171.053 47,55% 359.955 175.655 48,80%
Trapani 385.129 36.981 9,60% 385.129 138.130 35,87% 385.129 174.963 45,43% 385.067 183.040 47,53%
Tutali 4.661.123 503.537 10,80% 4.661.123 1.696.204 36,39 % 4.661.123 2.179.474 46,76% 4.647.159 2.203.165 47,41%

Risurtati

[cancia | cancia lu còdici]

Tabella risurtati elitturali

[cancia | cancia lu còdici]

Li risurtati pi l'elizzioni dû prisirenti, li vuti a li listi e la distribuzzioni dî siggi sunnu nnicati nta la secuenti tabella:[92]

(2012) Elizzioni riggiunali 'n Sicilia dû 2017 (2022)
Cannidati Vuti % Siggi listi riggiunali Listi Pruvinciali Vuti % Siggi listi pruvinciali Siggi tutali
Listi Riggiunali
Giancarlo Cancelleri
(MuVimentu 5 Stiddi)
 		722.555 34,65
1 / 8
 MuVimentu 5 Stiddi 513.359 26,67
19 / 62
20 / 70
Claudio Fava
(Centu Passi pâ Sicilia - Claudio Fava prisirenti)
 		128.157 6,15
0 / 8
 Centu Passi pâ Sicilia 100.583 5,23
1 / 62
1 / 70
Fabrizio Micari
(Micari Prisirenti- La Sfida Gintili)
 		388.886 18,65
0 / 8
 Partitu Dimucràticu 250.633 13,02
11 / 62
13 / 70
Altirnativa Pupulari - Cintristi X Micari 80.366 4,18
00 / 62
PDR - Sicilia Futura - PSI 115.751 6,01
2 / 62
Arcipegalu Sicilia - Muvimentu dî Tirrituri*[93][94] 42.189 2,19
00 / 62
Tutali cualizzioni 488.939 25,40
13 / 62
Nello Musumeci
('N Sicilia Nello Musumeci Prisirenti)
 		830.821 39,85
7 / 8
 #DiventeràBellissima - Pâ Sicilia*[95] 114.708 5,96
4 / 62
36 / 70
Forza Italia 315.056 16,37
12 / 62
Frati di Talia - AN - Allianza pâ Sicilia - Nuatri cu Salvini 108.713 5,65
3 / 62
Sicilia Vera - Libertas - Riti Dimucràtica - Unioni di Centru 134.124 6,97
5 / 62
Idea Sicilia - Pupulari e Autunumisti 136.520 7,09
5 / 62
Tutali cualizzioni 809.121 42,04
29 / 62
Roberto La Rosa
(Siciliani Libbiri)
 		14.656 0,70
0 / 8
 Siciliani Libbiri 12.600 0,65
00 / 62
00 / 70
Tutali vuta cannidati 2.085.075 Tutali vuta listi 1.924.602
Schedi Janchi 0 00,00
Schedi nulli 0 00,00
Schedi cuntistati e nun assignati 0 00,00
Tutali dî vuti 2.179.474
* La lista Arcipegalu Sicilia - Muvimentu dî Tirrituri nunn'è prisenti nnî cullegi di Missina e Sarausa[93][94].
* La lista #DiventeràBellissima - Pâ Sicilia nnô cullegiu di Sarausa curri dintra la lista Frati di Talia - AN - Allianza pâ Sicilia - Nuatri cu Salvini[95].
Funti: Cannidati a l'elizzioni dû Prisirenti dâ Riggiuni Siciliana e di l’Assimbrea Riggiunali Siciliana dû 5 di nuvèmmiru 2017. Gazzetta Ufficiali dâ Riggiuni Siciliana, n. 45, 25 di Uttùviru 2017.[96]

Risurtati candidati pi pruvincia

[cancia | cancia lu còdici]
Candidati
risurtati 'n %
 Caltanissetta Catania Enna Girgenti Missina Palermu Rausa Sarausa Trapani
Cancelleri 38,452% 34,177% 41,044% 37,929% 27,225% 31,322% 39,327% 43,237% 38,191%
Fava 4,633% 5,303% 4,992% 5,543% 6,406% 7,164% 9,995% 6,639% 4,029%
Micari 14,496% 17,652% 19,483% 18,988% 18,09% 21,578% 14,177% 16,676% 20,972%
Musumeci 41,765% 42,343% 33,795% 36,991% 47,585% 38,98% 35,525% 33,023% 36,034%
La Rosa 0,654% 0,526% 0,687% 0,548% 0,694% 0,956% 0,977% 0,425% 0,774%

Risurtati listi pi pruvincia

[cancia | cancia lu còdici]
Listi
risurtati 'n %
 Caltanissetta Catania Enna Girgenti Missina Palermu Rausa Sarausa Trapani
M5S 29,239% 26,541% 32,72% 27,346% 19,742% 24,181% 31,559% 34,895% 30,322%
Centu Passi 3,224% 4,602% 3,288% 4,991% 5,686% 6,278% 9,458% 5,175% 2,563%
PD 10,436% 15,079% 22,461% 10,669% 11,518% 8,835% 16,357% 12,941% 20,068%
AP-CxM 1,798% 3,945% 0,988% 8,06% 4,46% 3,876% 1,23% 9,114% 0,961%
PDR-Si.Fu.-PSI 7,729% 5,97% 4,818% 7,887% 6,729% 7,437% 0,776% 1,106% 6,449%
Ar.Si.-Mu.Ti. 3,079% 1,177% 1,491% 0,241% - 6,642% 0,901% - 0,884%
#Di.Be. 8,648% 6,556% 3,589% 2,675% 7,988% 5,643% 13,609% - 5,038%
FI 16,881% 15,253% 15,195% 10,583% 23,464% 14,255% 17,11% 16,783% 19,027%
FdT-ApS-NcS 4,304% 8,323% 5,245% 2,343% 7,099% 5,818% 3,545% 4,505% 2,156%
Si.Ve-Li.-Ri.Di.-UDC 7,545% 5,667% 2,576% 11,889% 6,766% 7,947% 1,795% 6,715% 8,047%
Id.Si.-PUeAU 6,546% 6,416% 7,001% 12,925% 5,911% 8,152% 2,597% 8,389% 3,747%
Si.Li. 0,57% 0,472% 0,628% 0,39% 0,636% 0,935% 1,062% 0,377% 0,738%

Assignazioni siggi - maggiuranza e minuranza

[cancia | cancia lu còdici]

Cualizioni

[cancia | cancia lu còdici]
↓
36 20 13 1
C-D M5S C-S SI

Listi

[cancia | cancia lu còdici]
↓
14 6 6 6 4 20 11 2 1
FI Si.Ve-Li.-Ri.Di.-UDC Id.Si.-Pu.&.Au. #Di.Be. FdT-ApS-NcS M5S PD PDR-SF-PSI C.
P.

Anàlisi dû votu

[cancia | cancia lu còdici]

Lu votu viri vincituri Nello Musumeci, chi arriniscìu a jiunciri lu centru-destra chi arriva a lu 42,04% di cunsensi. Li listi di la cualizioni tutalizzaru 29 siggi chi cu chiddi di lu listinu riggiunali arriva a 36 siggi, chi rapprisinta la maggiuranza minima di lu parramentu riggiunali a 70 diputati. Forza Italia migghiura ri picca lu risurtatu di lu 2012, d'unni havìa pigghiatu lu 12,91% di cunsensi. La Lega Nord, nta la lista cu Frati di Talia, trasi pi la prima vota nnô parramentu sicilianu supirannu di picca la sogghia di lu sbarramentu. Sicunnu Giancarlo Cancelleri cu lu 34,65%, candidatu di lu Muvimentu 5 Stiddi (M5S). Lu M5S utteni nu ottimu risurtatu aumintannu lu sò cunsensu nna l'isula e vincennu 'n tutti li pruvinci tranni chi a Missina, cunfirmmannusi primu partitu cu lu 26,67% di cunsensi. Lu votu disgiuntu premia Cancelleri, chi viri na diffirenza di 200mila vuti cu la lista pruvinciali. Li nùmmari cunfermanu ca l'isulamentu di lu muvimentu riduci li sò ammizioni nnî l'ammitu nazziunali. Nèsci scunfittu da l'elizzioni lu centru-manca, cu lu candidatu Fabrizio Micari ca finisci terzu cu sulu lu 18,65% di cunsensi, cu na diffirenza di 7 punti pircituali cu la sò cualizioni ca pigghia lu 25,40%. Li nùmmari di lu Partitu Dimucràticu sunnu li stissi di chiddi di 5 anni n'arreri, nun arrinesci nveci a supirari lu sbarramentu la lista di Angelino Alfano, ca si ferma ô 4,18%. Claudio Fava cu la sò lista supira lu 5% e trasi a l'assimbrea riggiunali. Sulu lu 0,65% pi lu muvimentu nnipinnentista Siciliani Libbiri c'arresta fora lu parramentu.

Diffirenza tra lu votu di candidati e chiddi dî listi

[cancia | cancia lu còdici]
Candidati Vuti candidatu Vuti listi Diffirenza
Musumeci 830.821 809.121 21.700
Cancelleri 722.555 513.359 209.196
Micari 388.886 488.939 100.053
Fava 128.157 100.583 27.574
La Rosa 14.656 12.600 2.056

Lijami nterni

[cancia | cancia lu còdici]

Lijami sterni

[cancia | cancia lu còdici]

Ufficiu elitturali Riggiuni Siciliana

Noti

[cancia | cancia lu còdici]
  1. ↑ Dicritu dû Prisirenti dâ Riggiuni n. 445 dû 1 di sittèmmiru 2017
  2. ↑ tg3 rai
  3. ↑ ilfattoquotidiano
  4. ↑ risurtati elizzioni 2012
  5. ↑ blizquotidiano
  6. ↑ #RipartiSicilia
  7. ↑ Crocetta susteni Grasso
  8. ↑ dirizzioni PD Grasso
  9. ↑ Grasso rifiuta candidatura
  10. ↑ gds
  11. ↑ siciliatoday
  12. ↑ Crocetta suteni Micari
  13. ↑ Liggi Custituzionali dû 7 di frivaru 2013, n. 2
  14. ↑ [https://web.archive.org/web/20211130024431/http://www.aransicilia.it/normativa/20130207_2.pdf Mudifichi a l'articulu 3 dû Statutu dâ Riggiuni Siciliana, 'n materia di riduzzioni dî diputati di l'Assimbrea Riggiunali Siciliana]
  15. ↑ 15,0 15,1 Liggi Riggiunali dû 3 di giugnu 2005, n. 7.
  16. ↑ 16,0 16,1 Normi pi l'elizzioni diretta dû prisirenti dâ Riggiuni e di l'Assimbrea Riggiunali Siciliana
  17. ↑ [1]
  18. ↑ Riggiuni Siciliana - Siggi
  19. ↑ Cinsimentu ufficiali dû 2011
  20. ↑ G.U.R.S.
  21. ↑ Il Fatto Nisseno
  22. ↑ Live Sicilia
  23. ↑ La sinistra candida Navarra a Palazzo d'Orleans La Ripubbrica
  24. ↑ Jurnali di Sicilia
  25. ↑ Ansa - Politica
  26. ↑ Jurnali di Sicilia
  27. ↑ LecuDûSud
  28. ↑ Jurnali di Sicilia
  29. ↑ Live Sicilia
  30. ↑ Repubblica - Palermo
  31. ↑ [2]
  32. ↑ Currieri
  33. ↑ Live Sicilia
  34. ↑ Jurnali d Sicilia
  35. ↑ Sustegnu Meloni a la cannidatura Musumeci
  36. ↑ Jurnali di Sicilia
  37. ↑ Enirgii pi l'Italia
  38. ↑ Jurnali di Sicilia
  39. ↑ La Ripubbrica
  40. ↑ La Ripubbrica
  41. ↑ Live Sicilia
  42. ↑ Live Sicilia
  43. ↑ Blog Sicilia
  44. ↑ Blog Sicilia
  45. ↑ Livesicilia
  46. ↑ Live Sicilia
  47. ↑ Siciliani Libbiri
  48. ↑ Live Sicilia
  49. ↑ Prisintazioni listi Pierluigi Reale
  50. ↑ 50,0 50,1 50,2 Cannidatura rispinta.
  51. ↑ prisentazione cannidatura Busalacchi
  52. ↑ Prisintazioni listi Franco Busalacchi
  53. ↑ cannidatura rispinta busalacchi
  54. ↑ cannidata Piera Maria Loiacono
  55. ↑ prisintazioni lista loiacono
  56. ↑ Manifestu elitturali Musumeci -Jurnali di Sicilia
  57. ↑ Centru-destra Junciutu -Jurnali di Sicilia
  58. ↑ Armao, Musumeci - Listinu
  59. ↑ Campagna elitturali Armao assenti
  60. ↑ listi puliti - Musumeci
  61. ↑ Indagati e cunnannati
  62. ↑ Sinnacu Milazzu cunnannatu
  63. ↑ cunnannatu lista #DiventeràBellissima
  64. ↑ Berlusconi a Palermu
  65. ↑ Tour 5 stiddi
  66. ↑ Appeddu antimafia
  67. ↑ Corrieri
  68. ↑ Di Maio OSCE
  69. ↑ OSCE Minniti
  70. ↑ espostu m5s
  71. ↑ Grillo 'n SIcilia
  72. ↑ campagna elitturali Catania - Micari
  73. ↑ pulemica cannidatura - Micari
  74. ↑ cungedu a ritturi - Micari
  75. ↑ parintopuli M5S
  76. ↑ pulemichi sundagi
  77. ↑ Renzi a Catania
  78. ↑ Centu Passi
  79. ↑ pulemichi Giovanni Impastato
  80. ↑ IlFattoQuotidiano
  81. ↑ pulemichi votu utili
  82. ↑ cunvirgenza di prugramma fava cancelleri
  83. ↑ prisintazioni assissuri fava
  84. ↑ prisentazioni lista Siciliani Libbiri
  85. ↑ Siciliani Libbiri contru logichi spartitori
  86. ↑ La Rosa allianzi
  87. ↑ erruri liggi Severino
  88. ↑ dubbiu rigularitati listi centru-manca e centru-destra
  89. ↑ espostu siciliani libbiri
  90. ↑ Divietu di divulgazioni - Urtimu sunnagiu LaSicilia
  91. ↑ Report Affluenza - Riggiuni Siciliana
  92. ↑ risurtati elizzioni riggiuni siciliana
  93. ↑ 93,0 93,1 La lista Arcipegalu Sicilia - Muvimentu dî Tirrituri nunn'è prisenti nnî cullegi di Missina e Sarausa - IlFattoQuotidiano
  94. ↑ 94,0 94,1 La lista Arcipegalu Sicilia - Muvimentu dî Tirrituri nunn'è prisenti nnî cullegi di Missina e Sarausa - LiveSicilia
  95. ↑ 95,0 95,1 La lista #DiventeràBellissima nnô cullegiu di Sarausa curri dintra la lista Frati di Talia - AN - Allianza pâ Sicilia - Nuatri cu Salvini - LiveSicilia
  96. ↑ Gazzetta Ufficiali dâ Riggiuni Siciliana, n. 45, 25 di Uttùviru 2017.
Bandiera della Regione Sicilia Elizzioni riggiunali 'n Sicilia Bandiera della Regione Sicilia
1947 | 1951 | 1955 | 1959 | 1963 | 1967 | 1971 | 1976 | 1981 | 1986 | 1991 | 1996 | 2001 | 2006 | 2008 | 2012 | 2017
Pigghiatu di "https://scn.wikipedia.org/w/index.php?title=Elizzioni_riggiunali_%27n_Sicilia_di_lu_2017&oldid=759056"