Silviu Berlusconi
Silviu Berlusconi (Milanu, 29 di sittèmmiru 1936 – Milanu, 12 di giugnu 2023) è statu cchiù voti primu ministru talianu. Doppu aviri fattu furtuna cumu mprinnituri di l'editurìa, di la custruzzioni e di la telecumunicazzioni, ntô 1994 funnau lu partitu Forza Italia chi ntô 2008 cunfluìu ntâ nova formazzioni chiamata Pòpulu dî Libbirtati puru idda ispirata di Berlusconi e chi nglobbau puru l'autra principali forza dû centru destra talianu, Allianza Nazziunali.
L'òmunu di cuvernu
Ntô 1994 vincìu l'elizzioni pulìtichi e addivintau primu ministru pi la prima vota. Lu primu cuvernu jìu n crisi lesta lesta, pirchì cci foru sciarri cu la Lega Nord di Ummertu Bossi.
Doppu quarchi annu passatu a l'upposizzioni, ntô 2001 vincìu n'àutra vota l'elizzioni pulìtichi, e a capu dâ coalizzioni di centru dritta furmau lu secunnu cuvernu Berlusconi. Lu 24 di aprili dû 2005, doppu na crisi pulìtica duvuta â scunfitta elitturali dî riggiunali, furmau lu terzu cuvernu Berlusconi, secunnu cuvernu dâ liggislatura, chi durau nzinu ô misi d'aprili dû 2006. L'ùrtumu cuvèrnu Berlusconi, lu quartu, nasciu dâ vittoria all'elizzioni ligislativi dû 2008 e s'accapau cu na crisi di cuvernu ca grapìu la strata a nu cuvernu tecnicu.
La caduta pulìtica
Doppu l'elizzioni liggislativi dû 2013, Silviu Berlusconi appujiau lu cuvernu di Letta, nzinu a quannu arritirau la sò fiducia ntô nuvèmmiru dû 2013, picca tempu prima ca, a causa di na cunnanna pinali pi evasioni e frodi fiscali, Silviu Berlusconi fi dichiaratu dicadutu comu sinaturi, sinnannu accussì la fini di la sò carrera pulìtica comu parramintari. Arresta ancora lu capu ncuntistatu di lu partitu di Forza Italia.
