Cci poi saramintari
La sprissioni cci poi saramintari si usa pi dari n'affirmazzioni forti di zoccu vinni appena dittu. È comu diri: «di chissu poi èssiri sicuru» o «ti giuru!».
N'asempiu di sta sprissioni s'attrova nta stu trattu dâ Biblioteca delle tradizioni popolari siciliane di Giuseppi Pitrè chi cunzigghia comu unu si pò nzirtari lu sessu di nu picciriddu:
- Si nun cci hannu statu nuddi aborti, si càrcula lu statu di la luna nni lu jornu di la nàscita di l'ùrtimu criaturi. Si la luna è ô sculari, lu pròssimu è fìmmina. Si la luna è ô llìnchiri, è màsculu. Cci poi saramintari!
Rifirimenti
[cancia | cancia lu còdici]- Arba Sicula, vulumi 4/5, 1983
Sprissioni siciliani - Modi di diri
Ccà sutta s’attròvanu , spartuti pri òrdini alfabbèticu, na picca di sprissioni tìpichi siciliani e modi di diri.
| Sprissioni siciliani - Modi di diri |
|---|
| A - B - C - DE - F - G - HIJ - L - M - N - O - P - Q - R - S - TU - VZ |
A
[cancia | cancia lu còdici] sprissioni
|
significatu
|
ambitu
|
|---|---|---|
| Abbagnàricci u pani | pigghiari unu pi fissa | Scherzu |
| Abbagnàrisi prima di chiòviri | prioccupàrsi prima dû tempu | |
| Accattàrisi a grancascia | èssiri ntra la cuva | |
| Acchianari e scinniri scali dî tribbunali | iri firiannu uffici uffici | |
| Ammucca muschi | pirsuna uzziusa | Lagnusìa |
| Ammucca lapuni | pirsuna ca si fa pigghiàri pi fissa | Simpliciunirìa |
| Ammuttari û fumu câ stanga | fari un travagghiu nùtuli | |
| Armuzza scunzulata | pirsuna affritta | |
| Aviri a vucca duci e u culu amaru | unu chi si senti ô cuntrariu di zoccu dici |