Assèdiu di Seggesta (397 a.C.)
| Assèdiu di Seggesta (397 a.C.) parti dî Guerri grecu-punichi | |||
|---|---|---|---|
| |||
| Data | 398 a.C./397 a.C. | ||
| Locu | Seggesta | ||
| Esitu | Scunfitta siciliota | ||
| Schieramenti | |||
| |||
| Cummannanti | |||
| Effittivi | |||
| |||
| Pèrditi | |||
| |||
L'assèdiu di Seggesta appi locu nnâ primavera dû 397 a.C.. Dionisiu I, dopu la paci cu Cartaggini nnû 405 a.C., pi cumpetiri contru Cartaggini pi lu cuntrollu dâ Sicilia, avìa aumintatu lu sò putiri militari, furtificatu Sarausa e criatu na granni flotta, mpiegannu pi la prima vota ntâ storia lu quinquirimi.
Vicenni pricidenti
[cancia | cancia la surgenti]Dopu aviri raggiuntu la paci cu Cartaggini, e ca pigghiau putiri a Sarausa, Dionisiu lu vecchiu fici ri tuttu pi raffurzari la citati di Sarausa. Furtificau la citati, ncurpurannu li mura ca foru custruiti duranti la spidizzioni Atinisi n Sicilia, e custruennu nnû 402 a.C., nu muru c'avìa a chiùdiri lu nteru Epipulu. Aumintau li diminsioni di l'èsercitu e la forza cummattiva facennu custruiri catapurti, quinquirimi, 200 novi navi di guerra, e rimuntau 110 di chiddi vecchi, e noltri criau nu portu sicretu ca putìa cuntari 60 tririmi. Dionisiu rumpìu lu trattatu di paci nnû 404 a.C., attaccannu na citati sicula, cu Cartaggini ca nun agìu. Tra lu 403 a.C. e lu 398 a.C. distruggìu la citati di Catana chi cunzignau a li campani, e Naxos, li cui citatini vinninu vinnuti n schiavituti, nfini cunquistau Lintini ca nun uppusi risistenza. Nnû 398 a.C. cu 83.000 òmini attaccau e distruggiu Mozzia, e avanzau contru Seggesta e Entella.
Li forzi cummattivi
[cancia | cancia la surgenti]Li forzi sicilioti
[cancia | cancia la surgenti]Dionisiu lu vecchi appi nu granni nùmmaru ri mircinari dâ pinisula e da li citati-statu di l'antica Grecia. La falangi era la furmazzioni di cummattimentu standard di l'èsercitu, lu pilastru dî sicilioti eranu l'upliti, li cavaleri eranu sulitamenti citatini cchìu ricchi o mircinari. Dionisiu lu vecchiu avìa radunatu circa 80.000 òmini e 3.000 cavaleri pi attaccari Mozzia, lu nùmmaru effittivu di surdati pi l'attaccu a Seggesta e scunusciutu.
Li forzi di Seggesta
[cancia | cancia la surgenti]Imircuni II avìa prisidiatu i tirritori punici e elimi nnû 405 a.C., nun si sapi se Seggesta avissi quarchi surdatu cartagginisi prisenti quannu Dionisiu assèdiau la citati. Li granni citati comu Sarausa e Girgenti putìanu mèttiri nfinu a 10.000 o 20.000 òmini, mentri citati comu a Missina e Imera da 3.000 a 6.000 òmini, prubabirmenti Seggesta putìa aviri sti nùmmari o aumintarli cu òmini di àutri citati alliati. Nun si sapi quantu la cultura greca potti nfruenzari li elimi ntô 397 a.C., e prubabbili ca puru Seggesta misi n campu na forza di upliti. Duranti n'assèdiu, fimmini e vecchi putìanu èssiri utilizzati comu mpruvisati peltasta.
L'assèdiu di Seggesta
[cancia | cancia la surgenti]L'assèdiu dû 398 a.C.
[cancia | cancia la surgenti]L'èsercitu siciliota era accampatu a nord dâ citati, nun si sapi s'avìanu mpigatu turri d'assèdiu, catapurta o muntuna pi assartari li mura, o avìanu simpricimenti tintatu di scavarcari li mura, ma si sapi ca quarsiasi tintativu utilizzatu da Dionisiu falliu, d'accussì comu a Entella. Dionisiu dicisi di nun pèrdiri àutru tempu e di prucediri versu Mozzia, lassau arcuni surdati a Seggesta pi mantèniri sutta cuntrollu la citati Elima e marciau a Mozzia. Cunquistata e sacchiata Mozzia, duranti lu nvernu turnau a Sarausa, lassannu òmini ntornu a Mozzia, Seggesta e Entella.
L'assèdiu dû 397 a.C.
[cancia | cancia la surgenti]Imircuni scunfittu a Mozzia, turnau a Cartaggini pi raccogghiri nu novu èsercitu di 50.000 òmini, ca ntâ primavera dû 397 a.C. sbarcau a Panormus, nunustanti lu tintativu di Leptini di firmari i cartagginisi. Ntantu Dionisiu s'avìa trasfirutu ntâ sicilia uccidintali, sacchiannu li citati sìculi e sicani, e ripigghiannu l'assèdiu di Seggesta, d'unni avìa lassatu li sò òmini nnû nvernu. Dionisiu era nu veru maistru nni li attacchi ri notti, manuvra ca li pirmisi di cunquistari Mozzia. Nta sta uccasioni fu pirò iddu stissu a càriri vìttima di na attaccu nutturnu elimu di Seggesta.
Li Elimi rinisceru a raggiungiri lu campu siciliota e a dari focu a granni parti dî tenni. Puru si picca òmini avìanu murutu nnî ciammi, i sicilioti avìanu pirdutu i cavaddi dâ cavalliria, na pirdita mpurtanti cunsidirannu ca l'èsercitu cartagginisi stava arrivannu n Sicilia. Imircuni nun vinni sùbbitu a Seggesta, ma dopu aviri raggiuntu Elimi e Sicani cunquistau Èrici e Mozzia, e funnau la citati di Lilibbeu. Pi la sicunna vota Dionisiu I appi a livari l'assèdiu, i ginirali sicilioti vulìanu cummattiri contru i cartagginisi ma, Dionisiu nun era sicuru di putiri vinciri, e s'arritirau nnâ sò capitali, Sarausa.
Bibbliugrafìa
[cancia | cancia la surgenti]- Baker, G. P., Hannibal, Cooper Square Press, 1999. ISBN 0-8154-1005-0
- Warry, John, Warfare in The Classical World, Salamander Books Ltd., 1993. ISBN 1-56619-463-6
- Lancel, Serge, Carthage A History, Blackwell Publishers, 1997. ISBN 1-57718-103-4
- Bath, Tony, Hannibal's Campaigns, Barns & Noble, 1992. ISBN 0-88029-817-0
- Kern, Paul B., Ancient Siege Warfare, Indiana University Publishers, 1999. ISBN 0-253-33546-9
- Freeman, Edward A., History of Sicily Vol. III, Oxford Press, 1894.
- Church, Alfred J., Carthage, 4th Edition, T. Fisher Unwin, 1886.
- Caven, Brian, Dionysius I: War-Lord of Sicily, Yale University Press, 1990. ISBN 0-300-04507-7