Catania: Doppu la manifistizzazioni ca si tinni a Palermu lu 30 di uttùviru2010, urganizzata dû cumitatu La Sicilia e li Siciliani pi lu Statutu pi riclamari l'attuazzioni dû Statutu Sicilianu, la stissa manifistazzioni si teni a Catania a lu 30 d'Aprili 2011. Li manifistanti si dèsiru appuntamentu a chiazza Universitati pi iri, acchianannu di la via Etnea, di la Via Sant'Eupliu e di la Via Biatu Birnardu, nzinu a Palazzu ESA (sedi di la prisidenza di la Riggioni Siciliana), unni n'àutra vota veni a èssiri riclamatu l'applicazzioni tutali e 'nticrali dû Statutu Spiciali Sicilianu.
Canali di Sicilia: Nu varcuni cu circa 300 pirsuni affunnau subbitu prima di siri succurrutu di na navi italiana. Sulu na cinquantina si pòttiru sarbari. Circa 250 pirsuni risurtanu dispersi.
Damascu: Li manifestazzioni di chiazza n Siria, riprimuti di l'accuminzatina nu misi fa cu l'usu di carri armati e tiri cu pallottuli veri, fìciru ggià circa 400 morti. Li manifistanti, comu fu lu casu di la Tunisia, di l'Eggittu e dâ Libbia addumannanu la partuta dû capu di statu Bashar el Assad.
Abidjan: L'ex prisidenti Laurent Gbagbo, chi risistìa di na quattrina di misi ntô palazzu prisidinziali, senza arricanùsciri la vittoria di Alassane Ouattara, fu arristatu ieri, mittennu fini â na situazzioni di nstabbilità chi avìa sfuciatu ricintimenti ni na vera e propria guerra civili.
Tokiu: Nu misi addoppu lu tirrimotu cu lu tsunami chi distruiu diversi paisi dâ costa nord-urientali dû Giappuni e misi fora usu la cintrali nucliari di Fukushima, li scossi cuntinuanu, e spissu agghicanu a passari lu gradu 6 dâ scala Richter, aggravannu ancora cchiossai la sitauzzioni supratuttu pi li cunsiquenzi dê radiazzioni ca nun s'arrinesci a risòrviri.
Abidjan: doppu diversi misi di stallu puliticu n Costa d'Avoriu, n sèquitu a elizzioni prisidinziali n cui lu prisidenti niscenti pruclamau la vittoria e lu candidatu di l'opposizzioni è ricanusciutu comu chiddu ca vincìu di la parti dâ cumunità ntirnazziunali, la guerra civili agghicau ntâ capitali ecunòmica doppu ca li truppi di Alassane Ouattara varagnaru quasi tuttu lu tirritoriu dû Paisi. La guerra ntâ cità è ancora aperta e si cuntanu cintinara di morti.
