Giugnu 2011

Italia

29 di giugnu

• Lampidusa: Ancora 500 pirsuni sbarcati nti l'ùrtimi 24 uri n pruvinenza di l'Africa dû Nord.

---

24 di giugnu

• Sicilia: Nasci lu primu tiggì 'n lingua siciliana titulatu "StuporMundi", rializzatu dâ ridazzioni "La Sicilia e li Siciliani"; lu tiggì veni fattu unu a la simana e nesci a lu vènniri. La lingua usata è la lingua siciliana culta, o littirària, chidda usata di Venizzianu, Meli, Martogliu e chi veni usata di li pueti cuntimpurrànî e di la wikipedia siciliana. Tutti li puntati dû tiggì si ponnu truvari nni lu canali YouTube http://www.youtube.com/user/StuporMundiChannel.

---

13 di giugnu

• Roma: Li quattru referendum supra lu tema di l'acqua, lu nucliari e lu cussiddittu liggittimu mpidimentu, agghicaru ô quorum, cu circa 57,1% dî chiddi chi n'avìanu dirittu. Lu risurtatu fu SI pi li quattru dummanni, dunannu la vittoria all'uppusizzioni ô cuvernu attuali.

---

4 di giugnu

• Canali di Sicilia: Nu varcuni di pròfughi lìbbici, direttu a Lampidusa naufragau e fu succurrutu ntô di la guardia costiera tunisina vicinu all'ìsuli Kerkenna. Li chiossai pòttiru siri sarvati, ma circa 200 pirsuni sunnu dispersi n mari.

Munnu

5 di giugnu

• Sanaa: Ntô Yemen doppu na lonca fasi di rivorti pupulari, lu prisidenti n càrrica di cchiossai di 33 anni, si n'appi aggh'iri. Lu sò palazzu fu bummiatu e iddu avìa statu firutu. Sceni di cuntintizza si vìttiru ntâ capitali.