Lampidusa: Nti l'urtimi simani agghicaru circa 15'000 pirsuni n pruvinenza dâ Tunisia pi lu cchiossai, ma puru dâ Libbia e di àutri paisi di l'Africa cintrali. Ci fu puru na fìmmina eritrea ca ieri parturiu nti na varca di mmigrati ntô canali di Sicilia.
Reggiu Calabbria: Na trintina di pirsuni appartinenti â ndranghita e mplicati nti nu traficu di droga foru arristati nti n'opirazzioni n cullabburazzioni cu la polizzia di àutri paisi.
New York: n sequitu â risuluzzioni nùmmuru 1973 di l'ONU ca fissa na zona di ntiridizzioni aeria n Libbia, e ô fattu ca Gheddafi nunustanti chistu cuntinua a jittari bummi chê sò aerei, na cualizzioni di Miricani, Francisi, Canadisi, cu l'appruvazzioni e la cullabburazzioni luggistica puru di l'Italia e di àutri paisi rinnìu upirativa n'opirazzioni militari vattiata Alba di Odissea, chi avi comu scopu di mpidiri a Gheddafi di riprimiri la pupulazzioni civili ca di diversi simani s'arrivorta contra lu sò riggimi nti diversi parti dâ Libbia.
