La Sicilia e li Siciliani pi lu Statutu

Dâ Wikipedia, la nciclupidìa lìbbira.
Jump to navigation Jump to search
Logu ufficiali di "La Sicilia e li Siciliani pi lu Statutu

La Sicilia e li Siciliani pi lu Statutu ('n talianu La Sicilia e i Siciliani per lo Statuto) è n'assuciazzioni di citatini siciliani, dimucràtica, trasvirsali a li principali idiuluggìi univirsali nun viulenti e nun razzisti, ca rivènnica la tutali applicazzioni dû Statutu d'Autonumìa di la Rigioni Siciliana, ritinènnulu nu strumentu mpurtantissimu e nicissariu pû sviluppu ecunòmicu, suciali e culturali dâ Sicilia.

La Sicilia e li Siciliani pi lu Statutu nasci di n'idìa di Santu Trovato ca, a mitati dû misi di giugnettu2010, penza di criari n'eventu supra a lu social network Facebook cû nomu "Cu cci veni a Palermu pi riclamari l'applicazzioni dû Statutu Sicilianu ?" unni prestu si scrìvunu assai cristiani di tutti li banni dâ Sicilia e macari di fora d'idda.

Dàtusi tuttu ssù successu, pi dari cuncritizza a l'appeddu fattu di Santu Trovato, si pigghia la dicisioni di urganizzari a Palermu na manifistazzioni graputa a tutti li Siciliani, quali egghiè l'appartinenza pulìtica.

Lu 21 giugnettu - Si custituisci, sempri pi menzu di la riti, un Cumitatu Spuntàniu pi urganizzari megghiu comu s'havi a fari la manifistazzioni.

L'1 austu- Veni scigghiutu lu mottu di la manifistazzioni: "30 uttòviru: La Sicilia e li Siciliani pi lu Statutu" ('n talianu "30 ottobre: La Sicilia e i Siciliani per lo Statuto").

Lu 4 austu - Veni scigghiutu lu logu ufficiali di la manifistazzioni

Lu 13 austu - Veni pubblicatu lu situ ufficiali di la manifistazzioni.

A Sittèmmiru si custituìsciunu, 'n tanti cità di la Sicilia, Cumitati Lucali pi la manifestazzioni.

La Manifistazzioni dû 30 uttòviru[cancia | cancia la surgenti]

Sàbbatu 30 uttòviru 2010 a li 3:30 doppu menzu jornu 'n Palermu, ntâ chiazza Ruggieru Sèttimu, si junceru chiossai di 1.000 cristiani pâ manifistazzioni; lu longu curteu di li manifistanti, transitannu pi la via Maqueda e corsu Vittòriu Manueli, agghicau ô Palazzu Reali, sedi dû Parramentu Sicilianu, unni na picciridda - attravirsannu un corridoiu fattu di cristiani - cunsignau, simmulicamenti pi menzu di l'usceri dû Palazzu, n'Appeddu a tutta la rapprisintanza stituzzionali dimucraticamentu eliggiuta di li siciliani.

Li cumitati[cancia | cancia la surgenti]

Doppu la manifistazzioni di Palermu dû 30 uttòviru 2010 , nti tanti lucalità di la Sicilia si custituìsciunu tanti “Cumitati Lucali” ( sparti di chiddi ca s'avìanu già furmati pi l’urganizzazzioni dâ manifistazzioni di Palermu) ca hannu comu finalità chidda di urganizzari ogni tipu di attività lècita e ca servi a la prumozzioni di la canuscenza di lu Statutu e urganizzari, 'nzèmula a tutti l'àutri Cumitati Lucali, manifistazzioni riggiunali e nazziunali p'addumannàrini l’attuazioni.

Futugrafìi di la manifistazzioni[cancia | cancia la surgenti]

Lijami di fora[cancia | cancia la surgenti]