Alfabbetu sicilianu

Dâ Wikipedia, la nciclupidìa lìbbira.
Jump to navigation Jump to search

L'Alfabbetu sicilianu nn'avi 23 littri,[1][2] pricisamenti:

A B C D Ḍḍ E F G H I J L M N O P Q R S T U V Z
a b c d ḍḍ e f g h i j l m n o p q r s t u v z

Macari Salvaturi Camilleri[3] cci agghiunci la littra «Dd», voli diri lu sonu retruflessu carattirìstica dû sicilianu, chi si vidi scrittu macari comu ḍḍ[4][5] o raramenti comu «ddh» o «ddr» videmma.

L'alfabbetu sicilianu assimigghia l'alfabbeti neolatini (catalanu, talianu, spagnolu, còrsu, ecc.) e sarva la littra latina «J», chi veni usatu ô principiu di na palora quannu havi la qualitati d'un cunzunanti. Si vidi puru nta na pusizzioni ntervucàlica, spiciarmenti quannu si ncòntranu dui «i», p'asempiu: «addijiri»[6]. Lu sonu dâ «J» si muta ô principiu di na palora (addipenni quali littra veni prima), p'asempiu: «haiu a jiri» si prununza /aiu a gghiri/; e «un jornu» si prununza /ungnornu/.

Li «b», «r» e «z» sònanu duppi ô principiu di na palora, ma sarvu quarchi ccizzioni, nun si scrìvunu duppi. Li «b» e «z» vennu scritti quasi sempri duppi a mmenzu na palora (sarvu quannu la «r» è prima di na «b» o «z», p'asempiu: «arba» e «arzari»[7].

Rifirimenti[cancia | cancia la surgenti]

  1. Cipolla, Prof. Gaetano (2005). The Sound of Sicilian: A Pronunciation Guide, Legas, New York
  2. L’edizzioni 2017 dâ proposta ortugràfica ('n talianu).
  3. Camilleri, Salvatore (2002) Grammatica Siciliana, BOEMI, Catania.
  4. L’edizzioni 2017 dâ proposta ortugràfica ('n talianu).
  5. Centro di Studi Filologici e Linguistici Siciliani (1977-2002) Vocabolario Siciliano, 5 vulumi a cura di Giorgiu Piccittu, Catania-Palermo.
  6. Camilleri, Salvatore (1998) Vocabolario Italiano Siciliano, Edizioni Greco, Catania.
  7. Centro di Studi Filologici e Linguistici Siciliani (1977-2002) Vocabolario Siciliano, 5 vulumi a cura di Giorgiu Piccittu, Catania-Palermo.