Sittèmmiru 2011

Munnu

24 di sittèmmiru

• New York: Mahmud Abbas, prisidenti di l'auturità palisitinisi, nti nu discursu qualificatu di storicu all'assimmilèa di l'ONU addumannau l'adisioni dâ Palistina all'ONU.

Lu situ dû CERN a Ginevra.

• Ginevra: Nu gruppu di ricerca dû CERN, cu cullabburaturi italiani ntô labboratoriu dû Gran Sassu annunciau na scuperta ca parissi assai mpurtanti siddu fussi cunfirmata. Secunnu nu spirimentu ca fìciru, la vilucità dû neutrinu è cchiù àuta dâ vilucità dâ luci.

---

16 di sittèmmiru

• Londra: Nu trader di uriggini ganesi di 31 anni, ca travagghiava pi la banca UBS vinni arristatu dâ polizzia ngrisi: cu n'opirazzioni assai rischiusa fici pèrdiri â banca circa du' miliardi di dollari.

Italia

20 di sittèmmiru

• Munticatini: La calabbrisa Stefania Bivone vincìu ieri lu cuncursu di Miss Italia. Tra li setti finalisti ca arristaru all'ùrtimu, sei èranu dû sud di l'Italia.

---

19 di sittèmmiru

• Roma: N sèquitu ê ntircittazzioni tilifònichi rinnuti pùbbrichi urtimamenti, e ca si jùnciunu a àutri rinnuti pùbbrichi ogghiellannu, la prissioni mediatica pê dimissioni di Silviu Berlusconi aumenta attorna. Li giudici ca ndàganu pi stori di prustituzzioni ci dumannaru di cumpàriri ô tribbunali.
• Lampidusa: Tra ieri e la nuttata di sta matina agghicaru tri varcuna n pruvinenza dâ Tunisia cu circa 300 mmigrati.

---

12 di sittèmmiru

• Palermu: Nu capu mafia, latitanti di sei anni, e ritinutu tra li cchiù piriculusi ncirculazzioni fu arristatu stamatina all'8 e 25 ô mircatu di Ballarò.

---

primu di sittèmmiru

• Ìsuli Eolî: Forru truvati e ricupirati du' anfuri rumani dû II-III sèculu d.C. ê banni di Filicudi.