Gugghiermu I di Sicilia
Di Wikipedia, la nciclupidìa lìbbira.
Gugghiermu I di Sicilia canusciutu puru comu Gugghiermu lu Malu (1120 - 7 di maiu ? 1166), discinnenti nurmannu di l'Altavilla fu re di Sicilia dû 1154 ô 1166. Lu sò regnu fu marcatu di na granni nstabbilità suciali e pulitica.
[cancia] Biografia
Quartu figghiu di Ruggeru II e di Elvira Alfonso di Castiglia, Gugghiermu fu dû 1151 coriggenti e doppu re di Sicilia â morti di sô patri ntô 1154, chi li sò frati cchiù granni avèvunu murutu ntô frattempu. Pari chi didicassi assai dû sò tempu ê piaciri dâ curti, chi cumprinnìa tra l'autri cosi nu harem comu pi li suvrani àrabbi, ntirvinennu pirsunalmenti sulu quannu era nicissariu. Fu vittima di nu cumplottu chi tintatu di destituirlu, e chi causau la distruzzioni di na gran parti dû patrimoniu artisticu chi avia statu accumulatu.
Di iddu resta òi la Zisa, magnifica risidenza nurmanna a Palermu, cumpritata pòi di Gugghiermu II di Sicilia. La sò tomba s'attrova ntâ navata di manu ritta dû duomu di Murriali.
| Pricidutu di: Ruggeru II di Sicilia |
Re di Sicilia | Succidutu di: Gugghiermu II di Sicilia |
