Sicilia (èbbica finicia)

Dâ Wikipedia, la nciclupidìa lìbbira.

A duminazzioni finicia ntâ Sicilia accuminciau prima dû VIII sèculu a.C., câ criazzioni di arcuni culonî ntâ zona uccidintali di l'ìsula, e spirdìu lu 241 a.C., câ vittoria dê Rurmani ntâ prima guerra punica. Lu pirìudu di quannu l'ìsula vinni guvirnata di Cartàggini, trasi nta sta dinuminazzioni.

Primi nzidiamenti[cancia | cancia la surgenti]

Li Finici èranu nu pòpulu simita ca, a l'èbbica, ntô tirritoriu di chiddu ca è oggi lu Lìbbanu, stabbilìu nu gran nùmmiru di culonij nta tuttu lu Mari Miditirràniu. La mpurtanza dê finici addivintau cchiù nica di quannu na sò culònia, Cartàggini, funnata ntô 814 a.C. ntô nord dâ Tunisìa di oggi, si fici putenti. Nizziarmenti, li culonî finici ntâ Sicilia si stinnìanu nta quasi tutta l'ìsula, ma cu l'arrivu dê Greci s'àppiru a ritirari ntâ zona uccidintali.

Ntô 734 a.C., li Finici avìanu funnatu Mabbonath (oggi Palermu), già abbitata dê Sìculi. Dû stissu pirìudu eni â funnazzioni di Mtw (ca fussi Mozzia), ca, uspitannu li Finici spingiuti a ovest dê Greci, s'angrannìu assai . Kfra (Soluntu) fu lu terzu polu di li culonij finici ntâ Sicilia, funnatu ammeri lu 700 a.C.. Li tri cità arrivisteru nu rolu di granni mpurtanza ntra li cummerci chê zoni vicini, ortri a na ruccaforti pê navi alliati.

Cartàggini e li guerri siciliani[cancia | cancia la surgenti]

La mpurtanza di Catàggini ntô nternu dû Miditirraniu accuminzau a fàrisi séntiri ntô V sèculu a.C.. Ntô 480 a.C. lu ginirali Amilcare, forti di n'asèrcitu di 300.000 òmini (secunnu li stimi tradizziunali) e di l'allianza chê Pirsiani, attaccau li Greci ppi cunquistari la Sicilia. Ma ntâ battaglia di Imera (480 a.C.) vinni sconfiggiutu: sta disfatta ridimenzionau li miri dî cartàgginisi supra a l'ìsula. Nta ogni casu, arcuni culonij dâ zona uccidintali arristaru fideli a Cartàggini.

Ntô 410 a.C. li guerri arripigghiaru. Sta vota li prutacunisti foru Annibale Magone e appoi Imilcone II pê cartàgginisi e Dionisiu I di Sarausa 'n rapprisintanza dê Greci di Sicilia. Li cartàgginisi arrinisceru, cu tuttu ca àppiru assai pistilenzi ca dicimaru l'asercitu, a cunquistari Silinunti, Imera, Akragas (Girgenti) e Missina, ppi poi firmàrisi ê porti di Sarausa, scunfiggiuti di l'asercitu aretuseu e di li malattij.

Ntô 315 a.C. scoppiau la terza guerra siciliana: Agatocli di Sarausa attaccau e pigghiau Missina, ppi puoi passari â cunquista di Girgenti e appoi tràsiri 'n chinu ntô tirritòriu di Cartàggini. Amilcare II guidau â contruffensiva africana, ricunquistannu tutta l'ìsola nzinu a Sarausa. Agatocli tintau macari di nvàdiri l'Àfrica, ma fu pisantimenti scunfiggiutu e s'arritirau.

Prima Guerra Punica[cancia | cancia la surgenti]

Li mircinari di Agatocli, chiamati Mamirtini, arristati senza travagghiu, addicideru d'attaccari Missina. Scantati dâ putenza di ssi mircinari, Sarausa e Cartàggini s'alliaru ppi scacciàrili.
Cartàggini ricunquistau Missina e lu strittu. Li Rumani, nfurmati di n'ammasciata mamirtina, addiciderru di ntirvèniri p'addifènniri lu sò pridumìniu supra li mari dû sud Italia.
L'attaccu rumanu ê forzi cattagginisi di Missina scatinau la prima guerra pùnica, ca durau dû 264 a.C. nzinu ô 241 a.C..
 fini dû cunfrittu, vinciutu di li taliani, Cartàggini fu custringiuta a lassari l'ìsula pi sempri.

Vuci currilati[cancia | cancia la surgenti]

Mappa storica Storia dâ Sicilia Tempi di Selinunti
pristoria | èbbica finicia | èbbica greca | èbbica rumana | èbbica vànnala | èbbica gòtica | èbbica bizzantina | èbbica àrabba | èbbica nurmanna | èbbica sveva
èbbica angiuina | èbbica aragunisa | èbbica spagnola | èbbica piemuntisa | èbbica burbònica | èbbica cuntimpurània