Ti vogghiu ô scanciari... ti vogghiu ô frijiri.

Dâ Wikipedia, la nciclupidìa lìbbira.

La sprissioni "Ti vogghiu ô scanciari... ti vogghiu ô frijiri" si usa ntô Catanisi quannu, capennu ca quarchi d'unu sta circannu di fàriti na truffa, si pigghiànu contramisuri pi rènniri o pajari câ stissa munita.

Urìggini dâ sprissioni[cancia | cancia la surgenti]

A la piscarìa di Catania un cristianu s'accattava lu pisci pajannu lu pisciaru cu sordi fàusi e, vidennu ca chistu nun si nn'arcurgiva, pinzava d'intra a iddu stissu: «ti vogghiu ô scanciari...» (rifirènnusi ê sordi fàusi); ma lu pisciaru s'avìa accurgiutu ca ssi sordi nun èranu boni e, mentri ca chiddu nun taliava, ci canciava lu pisci cu àutru ca nun era bonu e ca già accuminciava a fètiri e d'intra a iddu stissu pinzava: «ti vogghiu ô frijiri!» .

Lingua Siciliana
Cosi di tutti jorna - Azzioni umani - Prufissioni - Sprissioni Tipici - Lingua Siciliana