Straggi di Capaci
La Straggi di Capaci è l'attintatu mafiusu unni lu 23 di maiu 1992, nta l'autustrata A29, ammeri ô sbìnculu pi Capaci e a na pocu di chilòmitra di Palermu, mòrsiru lu judici antimafia Giuvanni Farcuni, so muggheri, Francisca Murvillu, e tri aggènti di la scorta, Vito Schifani, Rocco Dicillo, Antonio Montinaro.[1]
La nòmina di "Straggi di Capaci" è pirò sbagghiata: veru è ca la straggi succidìu appressu ô sbìnculu di l'autustrata pi Capaci, ma pricisu pricisu s'attruvava ntô tirritoriu di lu cumuni di Ìsula. La straggi è canusciuta videmma comu "l'attintatuni".
Nun appiru cunzicutanzi di saluti mpurtanti autri quattru di lu gruppu chi jeva appressu a lu maggistratu: l'autista judizziariu Giuseppe Costanza (assittatu nta li siggiuliḍḍi d'arreri di lu blinnatu purtatu di Farcuni) e li guardi Paolo Capuzzo, Gaspare Cervello e Angelo Corbo.[2]
A fàciri l'attintatu foru mìnimu cincu cristiani (unni ammenzu c'èranu sicuru Petru Rampulla ca custruìu e misi la bumma [3] e Giuvanni Brusca, ca fu chiḍḍu ca muncìu lu buttuni nta lu mumentu ca passava la màchina di lu maggistratu, ca turnava di Roma)[4]
Li mafiusa avìanu jinchiutu di tritolu na gaḍḍarìa scavata sutta a l'autustrata (pi 'siri sicuri ca l'attintatu avissi arrinisciutu, nni misiru quasi 500 kg, e pi rifirenna l'attintatura pigghiaru un friggideri jancu misu ntî li latati di la strata) ntî lu pèzzu ca lija l'Ariuportu di Palermu-Punta Raisi (oji "Ariuportu Farcuni-Bursillinu") a lu capulocu sicilianu.[5] Oji stissu sunnu canusciuti sulu l'autura fìsici di l'attintatu, picchì l'appurati pi scòpriri li nòma di li mannanti non dèsiru risurtati cu significanza.[6]
La Straggi di Capaci, chi fici fari festa a li carzarati di l'Ucciarduni[7], signau una di li pàggini chiù nìguri di la lotta a la Mafia e è lijata a la straggi unni fu ammazzatu Pàulu Bursillinu, amicu e cullega di Farcuni (Straggi di via d'Amèliu).
La straggi fici schifijari la pupulazzioni[8], e aḍḍumari la lutta antimafia, purtannu a l'attaccata di tanti latitanti comu Totò Riina.[9][10]
[11][12]
Pi la straggi fòru addichiarati curpevuli 24 mafiusi, ntî lu maju di lu 2002[13], mentri chi ntî lu 2008 la prima sizzioni pinali di la Cassazzioni cunnannau 12 cristiani, picchì mannanti di tutti dui li straggi: Salvatore Montalto, Giuseppe Farinella e Salvatore Buscemi, Giuseppe Madonia, Giuseppe Montalto, Carlo Greco, Pietro Aglieri, Benedetto Santapaola, Mariano Agate, Benedetto Spera, Antonino Giuffrè e Stefano Ganci.[14]
Ricurdanzi
[cancia | cancia la surgenti]Ogni annu, lu 23 maiu, si fannu a Palermu e Capaci na longa serî di attivitiati, pì ricurdari la morti di Giuvanni Farcuni e di Francisca Murvillu.[15]
Chiddu ca arriesta ra machina è misu n mustra a Roma, nta na scola di furmazzioni di guardi di pulizzia pinitinziaria.[16]
Ntî l'annu di la straggi fu criata macari na funnazzioni addidicata a Giuvanni e Francisca Farcuni e capiata di Maria Farcuni, sòru di li judici, ca havi comu fini lu cummattiri la mafia e purtari annavanti attivitati di aducazzioni a la lijalitati. Sta funnazzioni fu arricanuscita di l'ONU ntî lu 1996 comu mèmmiru ONG pi cunsurta ntî lu Cunzigghiu icunòmicu e suciali di li Nazziuni Junciuti.
Talìa puru
[cancia | cancia la surgenti]Lijami di fora
[cancia | cancia la surgenti]Noti
[cancia | cancia la surgenti]- ↑ NA STRAGGI COMU NTÛ LIBBANU (UNA STRAGE COME IN LIBANO) - Repubblica.it »
- ↑ BONU CHIU', CHIUDEMU LU PALAZZU DI JUSTIZZIA (BASTA, CHIUDIAMO PALAZZO DI GIUSTIZIA) - Repubblica.it »
- ↑ Straggi di Capaci: nesci Santapaula (strage di Capaci: spunta Santapaola)
- ↑ CAPACI, ADDIMANNATI 32 IRGASTULI PI RIINA E TUTTA LA CUPULA (CAPACI, CHIESTI 32 ERGASTOLI PER RIINA E TUTTA LA CUPOLA) - Repubblica.it »
- ↑ LA RICUNSTRÛTA DI L'ATTINTATU (LA RICOSTRUZIONE DELL' AGGUATO) - Repubblica.it »
- ↑ Chistu è zoccu si pò capisciri di la sintenzia difinitiva di la Cassazziuni di lu 2002 ca cunnannava l'autura ma discurpava li boss suspittati di èssiri li mannanti.
- ↑ E LI CLAN FICIRU BRINCHISI A L'UCCIARDUNI (E I CLAN BRINDARONO ALL' UCCIARDONE) - Repubblica.it »
- ↑ A PALERMU UN MISI DOPPU PI NON NÛ SCURDARI (A PALERMO UN MESE DOPO PER NON DIMENTICARE) - Repubblica.it »
- ↑ Giovanni Di Cagno, Gioacchino Natoli,Cosa nostra ieri, oggi, domani: la mafia siciliana nelle parole di chi la combatte e di chi l'ha abbandonata, Ed. DEDALO, 2004,ISBN 9788822062703, pag 52
- ↑ NU AERIU PI LA STRAGGI (UN AEREO PER LA STRAGE) - Repubblica.it »
- ↑ ' VRIGGOGNA, VRIGGOGNA ASSASSINI (VERGOGNA, VERGOGNA ASSASSINI) ' - Repubblica.it »
- ↑ E Pappalardu Vucìa Di L'Artari 'Smascarati Cu Lu Tradìu' (E Pappalardo Grida Dall' Altare ' Smascherate Chi L' Ha Tradito') - Repubblica.It »
- ↑ li sbagghi di li pulitichi (gli errori dei politici) - Repubblica.it »
- ↑ Straggi di lu '92 jalera pi vita pi li mannanti (Strage del '92 carcere a vita per i mandanti) - Repubblica.it »
- ↑ La jurnata di lu ricòrdu ntra l'arbulu Farcuni e Capaci (La giornata della memoria tra l' albero Falcone e Capaci) - Repubblica.it »
- ↑ Straggi di Capaci la màchina n mostra (Strage di Capaci l' auto in mostra) - Repubblica.it »