Francisca Murvillu
Francisca Làura Murvillu (Palermu, 14 di dicèmmiru 1945 – Ìsula, 23 di maiu 1992) fu un judici sicilianu.
La Vìta
[cancia | cancia lu còdici]Nasci a Palermu lu 14 di dicèmmiru di lu 1945, lu 26 di giugnu di lu 1967 si làuria n jurisprudenza a l'Univirsitati di Palermu cu na tèsi antitulata "Stato di diritto e misure di sicurezza", cunguistannu lu massimu di li vòti e la lòdi accadèmica.
Comu a lu patri Guidu, sustitutu prucaruturi a Palermu e lu frati Alfredu, addicidi di trasiri a la maggistratura. Duranti di la sò carrera cummògghia li funziuna di judici di lu tribunali di Girgenti, sustitutu prucuraturi a lu tribbunali minurili di Palermu, di Cunziggheri di la Curti d'Appeddu di Palermu e di cumpunenti di la Cummissioni pì lu cuncursu di trasuta a la maggistratura.
Nzignau macari a la Facurtati di Midicina e Chirurgia di l'univirsitati palirmitana, comu nzignanti di matèria juridica a la Scola di Spicializzazzioni in Pidiatria.
Ntî 1979, doppu di na prima spartuta doppu di nu primu matrimòniu, Francisca canusci Giuvanni Farcuni, tannu judici istrutturi a lu tribunali di Palermu; si maritaru cu nu ritu civili ntî lu maiu 1986.
La straggi di Capaci
[cancia | cancia lu còdici]Lu 23 di maiu dû 1992, a li 18:00, ntî l'autustrata A29 Palermu-Trapani, ammeri a la svutata pi Capaci, na carrica di 500 chila di tritòlu fa sautari ntî l'aria li tri machini ca jevanu appressu a Giuvanni Farcuni e a sò muggheri, ntî lu turnari di Roma. Francisca Murvillu, ancòra n vita doppu di lu scòppiu, fu purtata apprima ô spitali Cervello e appoi trasfiruta a lu Civicu, ntî lu ripartu di neuruchirurgia, unni pirò mòri a li 23 pi lì gravi danni arripurtati.