Totò Riina

Dâ Wikipedia, la nciclupidìa lìbbira.

Salvaturi Riina (Cunigghiuni, 16 di nuvèmmiru 1930Parma 17 di nuvèmmiru 2017), saputu sèntiri "Totò û curtu", fu nu mafiusu sicilianu. Latitanti pi quasi tutta la sò carrera Riina fu arristatu ntô 1993 e passau n carciri li 24 anni di vita ca ci ristaru.

Biugrafia[cancia | cancia la surgenti]

Nti lu 1943, Totò, so' patri e so' frati Francesco, stàvanu circannu di livari la prùvuli di sparu di na bumma miricana c'attruvaru. Chista pirò cci scuppiau e mureru tutti, tranni Totò. Di stu pirìudu vinni arristatu ppi aviri ammazzatu tuttu lu bistiami di lu so' cuitaniu Duminicu Di Matteo. Macari di sti tempi Totò addumannava lu pizzu a li cuntadini. Cchiù nn'avanti, ammazza Giuvanni Falconi e Paulu Borsellinu, dui jùdici contru la mafia.

Lu 16 aprili 1974 Riina si spusa su muggheri, Antonietta Bagarella. Di cca nn'avanti a Riina sunnu attribbuiti diversi crimini e ammazzatini ca marcaru la storia dâ mafia siciliana pi bona parti dâ secunna mità dû vintèsimu sèculu.

  • Lu prucuraturi Petru Scaglione (ammazzatu nii lu 1971)
  • Lu tinenti culunnellu Giuseppi Russo (ammazzatu nii lu 1977)
  • Lu jurnalista Mariu Francese (ammazzatu nti lu 1979)
  • Lu pilìticu Micheli Reina (ammazzatu nti lu 1979)
  • Lu capu di la squatra mòbbili Boris Giulianu (ammazzatu nti lu 1979)
  • Lu jùdici Cesari Terranova (ammazzatu nti lu 1979)
  • Lu prisidenti di la Riggioni Siciliana Piersanti Mattarella (ammazzatu nti lu 1980)
  • Lu capitanu dî carrabbinera Emanueli Basile (ammazzatu nti lu 1980)
  • L'unurevuli Piu La Torre (ammazzatu nti lu 1982)
  • Lu prifettu Ginirali Carlu Albertu Dalla Chiesa (ammazzatu nti lu 1982)
  • Lu puliziottu Caloggiri Zucchetto (ammazzatu nti lu 1982)
  • Lu iudici Roccu Chinnici (ammazzatu nti lu 1983)
  • Li cummissarî Peppi Montana e Ninni Cassarà (ammazzati nti lu 1985)
  • Lu mprinnituru Lìbberu Grassi (ammazzatu nti lu 1991)
  • Li jùdici Falconi e Borsellinu (ammazzati nti lu 1992).

Totò vinni arristatu a Palermo ntô 1993, di na squatra spiciali dî ROS. Vinni misu nta nu càrciri duru.