Sèlezziuni di palluni di Sicilia
| Sicilia Football Association | |||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Naziunali Siciliana | |||||||||||||||||||||||||||||||||||||||||||||||||
| Culura e simboli | |||||||||||||||||||||||||||||||||||||||||||||||||
Divise
| |||||||||||||||||||||||||||||||||||||||||||||||||
| Culura | russu, giarnu | ||||||||||||||||||||||||||||||||||||||||||||||||
| Dati di la sucitati | |||||||||||||||||||||||||||||||||||||||||||||||||
| Paìsi | |||||||||||||||||||||||||||||||||||||||||||||||||
| Confidirazzioni | CONIFA | ||||||||||||||||||||||||||||||||||||||||||||||||
| Fidirazzioni | |||||||||||||||||||||||||||||||||||||||||||||||||
| Funnatu | 2020 | ||||||||||||||||||||||||||||||||||||||||||||||||
| Allenaturi | Giovanni Marchese | ||||||||||||||||||||||||||||||||||||||||||||||||
| Campu | ( posti) | ||||||||||||||||||||||||||||||||||||||||||||||||
La Sèlezziuni di palluni di Sicilia è la rapprisintativa di palluni di l'ìsula di Sicilia. È cuntrullata di la Sicilia Football Association, funnata nta lu 2020, e cumunimenti ditta Naziunali Siciliana.
La Sicilia FA non è cumpunenti di la FIFA o di la UEFA e pi sta ragiuni non pò participari a lu Campiunatu munniali di palluni FIFA e a lu Campiunatu europeu di palluni UEFA. Tuttavia, di lu giugnu 2021 la Sicilia FA è assuciata a la CONIFA e pò participari a li campiunati munniali e europei di sta organizzazioni.[1]
Storia[cancia | cancia la surgenti]
Nta lu passatu l’idea di crìari la Naziunali Siciliana avìa statu na pruposta di quarchi jurnalista e di l’ambienti sicilianisti.[2][3][4]
Lu prugettu attuali accuminciò nta lu 2019 doppu li primi cuntatti cu CONIFA.[5] Lu prugettu nascìu grazï a la sinirgìa di un Cumitatu Funnaturi rapprisintativu di li tri citati metrupulitani di la Sicilia: Palermu, Catania e Missina. La funnazioni ufficiali di la Sicilia FA rimunta a lu 15 maju 2020, mentri l’attivitati pubblichi foru accuminciati nta lu 2021.
A la funnazioni Sarvaturi Mangano di Missina fu elettu Prisidenti, Àngilu Priolo e Fabiu Petrucci di Palermu comu Vici-prisidenti e Sicritàriu Ginirali, mentri Albertu L’Episcupu di Catania – in passatu Manager di la squatra di Serie A di lu Chievo Verona – è lu Diritturi Ginirali.[5] Mariu Bonsignore – in passatu Prisidenti di l’Ancona, Manager di lu Missina e Rispunsabbili Marketing di la Malta Football Association – è lu Cunsulenti Ginirali di la Sicilia FA. Petru Cannistrà e Binidittu Bottari – prutagunisti di la prumuzioni di lu Milazzu nta la Lega Pro – sunnu rispittivamenti Rispunsabbili di l’Ària Tècnica e Team Manager.
Unu di li principali ubbiettivi di la Sicilia FA è la prumuzioni di l’idintitati naziunali siciliana pi menzu di lu palluni. Difattu, lu prugettu di la naziunali siciliana di palluni è basatu supra l’idea ca la Sicilia rapprisenta na naziuni senza statu cu li so spicifichi carattiristichi giogràfichi, storichi, linguistici e culturali.[6] La Sicilia FA àvi già stipulatu intìsi cu l’Accademia di la Lingua Siciliana e l’associazioni culturali Lu Statutu pi ’abbeniri a tali ubbiettivu.
Assai prestu, la nascita di la Sicilia FA ispirò li fantasï di li jurnali supra a li jucatura famusi ca tioricamenti putissiru vestiri la magghia di la squatra, comu Mariu Balotelli e Vincenzu Grifo.[6][7]
Li primi dui squatri ca ricanusceru la Sicilia foru li naziunali di palluni di la Sardigna e di la Corsica.
Lu Cumitatu Esecutivu Munniali di la CONIFA fici trasiri la Sicilia comu membru lu 27 giugnu 2021.[1]
Culura e simbulu[cancia | cancia la surgenti]
Li culura ufficiali di la naziunali siciliana di palluni sunnu russu e giarnu, comu a chiddi di la bannera siciliana.
Lu simbulu di la Sicilia FA è basatu supra la bannera di lu Vèspiru Sicilianu e riporta lu mottu "Animus Tuus Dominus", usatu di li ribelli siciliani nta lu cursu di la rivoluzioni contra Re Carlu.
Magghï[cancia | cancia la surgenti]
La Sicilia FA annunciò tri magghï, tutti didicati a la storia di la Sicilia.[7]
- 1: "Vèspiru": russa e giarna cu lu simbulu di la Trinacria, in unuri di lu Vèspiru Sicilianu (1282);
- 2: "Fidiricu": bianca cu quattru strisci russi e giarni e n'aquila sveva, in unuri di la bannera di lu Regnu di Sicilia vuluta di Re Fidiricu III nta lu 1296;
- 3: "Ruggeru": blu cu na banna scaccata bianca e russa, in unuri di la funnazioni di lu Regnu di Sicilia pi menzu di Ruggeru II nta lu 1130.
EYE Sport è lu furnituri ufficiali di li divisi di la Naziunali.[8]
Media partners[cancia | cancia la surgenti]
Un'intìsa ntra la Sicilia FA e la televisioni spurtiva WeSport.it fu annunciata lu 2 giugnu 2021.
Diriggenza[cancia | cancia la surgenti]
| Position | Staff |
|---|---|
| Prisidenti | Sarvaturi Mangano |
| Vici-prisidenti | Àngilu Priolo |
| Sicritàriu Ginirali | Fabiu Petrucci |
| Diritturi Ginirali | Albertu L'Episcopo |
| Tisurieri | Giuseppi D'Andrea |
| Cunsulenti Ginirali | Mariu Bonsignore |
| Rispunsabbili di l'Ària Tècnica | Petru Cannistrà |
| Team Manager | Binidittu Bottari |
| Sicritàriu Spurtivu | Fabriziu Bertè |
| Rispunsabbili di la Cumunicazioni | Fabriziu Di Blasi |
| Addettu Stampa | Gaetanu Mangione |
| Rispunsabbili di li Relazioni Internaziunali | Mariu Trabucco della Torretta |
| Ambasciaturi | Giuvanni Privitera (Franza) Mariu Trabucco della Torretta (Gran Britagna) |
Rifirimenti[cancia | cancia la surgenti]
- ↑ 1,0 1,1 CONIFA welcomes the Sicilia Football Association (en). CONIFA official website.
- ↑ Nazionale di calcio siciliana (it). L'Altra Sicilia.
- ↑ Una nazionale di calcio siciliana. Che ne pensate? (it). BlogSicilia.
- ↑ Una nazionale di calcio della Sicilia? C'è la proposta degli indipendentisti (it). goal.com.
- ↑ 5,0 5,1 Nazionale siciliana di calcio, l'idea parte da Messina. Ecco i primi nomi (it). Gazzetta del Sud.
- ↑ 6,0 6,1 Nasce la Nazionale di calcio della Sicilia: i giocatori che potrebbero farne parte (it). calciopolis.it.
- ↑ 7,0 7,1 Nazionale di calcio della Sicilia, l'idea tenta il decollo: contest per il logo ufficiale (it). Palermo Today.
- ↑ EYE Sport partner tecnico della Nazionale Siciliana (it). EYE Sport official website.