Nakaira

Nakaira è un gruppu di "world music" siiclianu.

Storia dû gruppu

Ntô 1994, li futuri Nakaira accumènzanu li ricerchi d'elabburazzioni dî mùsichi dî paisi àrabbi, e macari di l’ària barcànica, di chidda cèltica e di l'antichi canti e ballati propi dâ tradizzioni siciliana.

Lu gruppu folk Nakaira nasci ntô 1999. La sò ntinzioni è chidda di riprupòniri lu folk cèlticu 'n Sicilia, un gèniri musicali ca ci piaci assai a sti musicisti.

Doppu li sò primi apparizzioni nta rassegni e festival lucali, li Nakaira pùbbricanu, ntô 2000, lu sò primu album (ntitulatu "Musiche a danzare tra oriente e occidente").

Appoi, lu gruppu, rinnuvatu ntâ furmazzioni e ntâ ricerca stilìstica (ca si sposta nta l'àmmitu dî tradizzioni dû Miditirràniu) partècipa a nummarusi rassegni e festival nazziunali e nternazziunali.

Ntô nuvèmmiru dû 2003, pùbbricanu lu sò secunnu album (ntitulatu "Onde sonore dal Mediterraneo"), ca veni distribbuitu nta l'edìculi di tutta l'Italia comu allijatu ô N. 63 dâ rivista “World Music Magazine”. A lu Cd cullàbbura macari lu cantauturi sicilianu Carlo Muratori (già cu Riccardo Tesi). Iddu scrivi e canta 'n lingua siciliana lu testu dû branu "Diserti".

Ntô misi di marzu dû 2006, li Nakaira sunaru pressu lu pristiggiusu tiatru municipali di Tùnisi, e appoi nta l'anfitiatru rumanu tra li ruini di la citati antica di Sbeitla, ntô sud dâ Tunisìa.

Lu 8 di austu dû 2007, li Nakaira e Carlo Muratori càntannu lu branu "Diserti" a la Villa Comunale di Niculosi (CT).

Lu nomu Nakaira

"Nakaira" è lu nomu di nu strumentu a pircussioni anticu di l'ària miditirrània.

Cullabburazzioni

Li Nakaira àppiru l'accasioni di travagghiari cu Carmelu Salemi.

Membra dû gruppu

Francesco Emanuele - (Bouzouki, chitarra, cori)
Franco Barbanera - (clarinettu, gaita galizziana, friscaletti, fràuti ètnici, bummarda)
Salverico Cutuli - (Fisarmonica)
Angelo Liotta - (bouzouki irlannisi, chitarra, mandula)
Marco Carnemolla - (contrabbassu, bassu Fretless)
Nektarios Galanis - (bouzouki, cantu, fràutu, oud)
Mario Gulisano - (cajon, darbouka, tambureddu, cantu)

Discugrafìa

Musiche a danzare tra oriente e occidente - 2000 (etichetta Ethnoworld di Milanu)
Onde sonore dal Mediterraneo - 2003 (etichetta Raitrade).

Liami nterni

Cantanti e gruppi musicali siciliani

Liami sterni