Carmelu Salemi

Dâ Wikipedia, la nciclupidìa lìbbira.

Carmelu Salemi (o Carmelo Salemi n talianu) è nu musicista e cantanti sicilianu.

Biografìa[cancia | cancia la surgenti]

Di nicu hà fattu parti di diversi corpi bandìstici e gruppi folk siciliani. Studiau lu clarinettu pressu lu Liceu Musicali Vincenzo Bellini di Catania, unni si diprumau ntô 1992.

Tinni tanti cuncerti e cullabburau cu artisti e gruppi siciliani importanti ntra d'iddi Kaballà, Dounia, Carlu Muratori, Nakaira, Cicilia Pitinu. Midemma appi l’anuri di canùsciri a Rosa Balistreri e di cantari cu idda quarchi annu prima dâ sò scumparsa.

Participau ô labburatoriu "I viaggi di Gulliver" (Angelo Branduardi esennu lu diritturi artìsticu).

Carmelu Salemi cumpunìu li mùsichi di scena pi "Liolà", cumedia di Luiggi Pirandellu. Sunau e cumpunìu macari li mùsichi pâ rializzazzioni di "Elektra" di Hugo von Hofmannsthal.

Doppu aviri firmatu un cuntrattu cu l'etichetta FolkClub/Ethnosuoni, pubbricau ntô marzu dû 2002 lu sò primu album ca havi pi tìtulu "HYBLA", ch'è un travagghiu di circata supra ddu strumentu sicilianu ch'è lu friscalettu e puru supra li pircussioni.

Ntô 2003 arcuni brani siciliani sò vìnniru silizziunati pi arcuni compilation n Francia e n Spagna: "Italie Instruments de la musique populaire" (etichetta BUDA RECORDS-MUSIQUE DU MONDE, distribbuitu dâ UNIVERSAL FRANCE) e "SICILIA Canto Nuovo" (etichetta IRIS MUSIC, distribuito da HARMONIA MUNDI), e "Las Músicas de Italia" (etichetta FNAC, España).

Ntô sittèmmiru dû 2005 nisceru àutri dui friscalittati nta n'àutra compilation prudutta di l'etichetta ngrisa ARC MUSIC, e ntô stissu pirìudu vinni pubbricatu lu sò secunnu album ca havi pi tìtulu "A SUD DELL'ANIMA" (FolkClub/Ethnosuoni).

2006 ô 2007 cunnucìu un workshop chiamatu "Friscalettu e canto popolare" pi la Riggiuni Siciliana (Beni culturali e ambientali di Sarausa) e sunau nta diversi lochi: Casa museo Antonino Uccello a Palazzolu Acrèidi, Facurtà di Littri e Filosufìa a Sarausa; Museu ntirnazziunali dî pupi Antonio Pasqualino a Palermu, Museu dû travagghiu dî viddani – a Buscemi, ecc.

Carmelu Salemi sona lu friscalettu (lu fràutu sicilianu), la chitarra, la tammorra e canta.

Tiatru[cancia | cancia la surgenti]

Premi[cancia | cancia la surgenti]

Vincìu arcuni premi ntê cuncursi chiù mpurtanti comu sulista e macari n gruppu.

Liami nterni[cancia | cancia la surgenti]

Liami sterni[cancia | cancia la surgenti]