Contrabbassu

Dâ Wikipedia, la nciclupidìa lìbbira.
Nu contrabbassu di facci e di prufilu

Lu contrabbassu eni lu cchiù vasciu strummentu a arcu. La sò funzioni principali eni chidda di mèttiri la basi di l'armunìa di qualiegghiè cumpusizzioni musicali. Raramenti havi nu rolu di sulista, tranni nta li cuncerti scritti apposta p'addimustrari virtuusismu e versu cu nu strummentu curiusu e diffìcili di sunari.

La sò storia accumenza comu tutti li strummenti a arcu ntâ mùsica di l'Innia, ma di lu contrabbassu comu lu videmu ora s'havi la prima nutizzia nta lu trattatu di Silvestru Ganassi Dal Fontego ca lu metti ntâ famigghia di li violi chiamànnulu Arciviola Contrabbassa o Viuluni. Di sta data lu contrabbassu pigghia na pocu di canciamenti finu a arrivari â virsioni attuali cu 4 o 5 cordi d'azzaru (finu a lu 1920 li cordi èranu di vudeddu). Di sti tèmpura stu strummentu s'usa oltri ca ntâ mùsica clàssica (unni li megghiu maistra sunnu Franco Petracchi e lu miricanu Gary Karr) ntô jazz c'havi comu sunatura abbirsati Charlie Mingus, Ron Carter, e Niels Pedersen.