Menu mali ca foru ficu
Sta frasi si dici quannu accapitannu quarcosa di stortu o di dannusu e si penza ca la cosa è mala assai, anveci, arrisurta èssiri nu dannu nicu, ca si po’ arrisòrviri: ''Menu mali ca foru ficu''
Urìggini dâ sprissioni
[cancia | cancia lu còdici]Sta sprissioni pigghia urìggini di na fàula:
Si cunta e s'arricunta ca c'era un re ca si nni ivu a caccia e a un certu puntu, stancu, s’arripusau a l’ùmmira, sutta a n’àrvulu di ficu; passau un viddanu ca lu arricanusciu e cugghiennu quattru ficu ci li detti ô re, dicennu: “A gran Signuri, picculu prisenti”. Lu re, cuntentu pri lu gestu e picchì chistu vuleva diri ca era vulutu beni, ci arrijalavu na munita d’oru.
N’àutru viddanu lu seppi e jncutu nu cufinu chinu-chinu di ficu grossi e boni, si nni ivu a la règgia pri purtàriccilli ô re “ Si pri quattru ficu lu re detti na munita d’oru, cu sapi chi mi duna a mia ca ci nni portu nu cufinu sanu ..”.
Ma lu re capìu la vera ntinzioni dû viddanu e detti òrdini a li sò guardij di mpicàricci a chissu ntô mussu a unu a unu tutti li ficu c’avìa purtatu.
''Menu mali ca foru ficu...'' (e non àutra frutta cchiù dura) pinzava lu viddanu mentri ca ci ntappàvanu li ficu a unu a unu tutti ntô mussu.
Ccà sutta s’attròvanu , spartuti pri òrdini alfabbèticu, na picca di sprissioni tìpichi siciliani e modi di diri.
| Sprissioni siciliani - Modi di diri |
|---|
| A - B - C - DE - F - G - HIJ - L - M - N - O - P - Q - R - S - TU - VZ |
A
[cancia | cancia lu còdici] sprissioni
|
significatu
|
ambitu
|
|---|---|---|
| Abbagnàricci u pani | pigghiari unu pi fissa | Scherzu |
| Abbagnàrisi prima di chiòviri | prioccupàrsi prima dû tempu | |
| Accattàrisi a grancascia | èssiri ntra la cuva | |
| Acchianari e scinniri scali dî tribbunali | iri firiannu uffici uffici | |
| Ammucca muschi | pirsuna uzziusa | Lagnusìa |
| Ammucca lapuni | pirsuna ca si fa pigghiàri pi fissa | Simpliciunirìa |
| Ammuttari û fumu câ stanga | fari un travagghiu nùtuli | |
| Armuzza scunzulata | pirsuna affritta | |
| Aviri a vucca duci e u culu amaru | unu chi si senti ô cuntrariu di zoccu dici |