Lille

Dâ Wikipedia, la nciclupidìa lìbbira.

Lille (Lilla 'n sicilianu, Rijsel 'n ulannisi e Ryssel - isula - 'n fiammingu) è na citati francisa di lu Dipartimentu di lu Nord, capulocu dä riggiuni Nord-Pas-de-Calais, situata a picca distanza di lu cunfini cû Belgiu.

Devi lu nomu ä sô ubbicazzioni, ammenzu ô ciumi Deûle. Havi oltri 200.000 abbitanti (cchiù di un miliuni ntâ ntera area metrupulitana ca scunfina 'n parti 'n tirritoriu belga). Dû cumprinzoriu fannu parti li citati di Roubaix (seggi/sedi d'agghicata di na mpurtanti cursa ciclìstica, la Pariggi-Roubaix), Tourcoing e Villeneuve d'Ascq.

Cultura e ndustrii[cancia | cancia la surgenti]

Mpurtanti centru culturali (dutata di priggèvuli musei, fu nzèmmula a Gènuva capitali europea dâ cultura pi lu 2004), Lille pò faciri cuntu supra n'econumìa basata supra nummarusi mprisi upiranti ntô sitturi manifattureru, sidirùrgicu e cunzirveru; seggi/sedi di nu mpurtanti crucivia di li trasporti versu lu nord Europa, è canusciuta videmma pî sô tissuti. Diversi sunnu l'univirsitati prisenti 'n citati, una dî quali statali e tanta antica (acchiana nfatti a lu 1560).

Lochi di ntiressi turìsticu[cancia | cancia la surgenti]

La Vecchia Burza

Distanti n'ura d'autustrata dâ capitali Pariggi e n'ura e un quartu di Londra (attraversu lu culligamentu firruviariu Eurostar), Lille prisenta diversi punti di ntiressi turìsticu ca ponnu èssiri junciuti macari câ muderna linia metrupulitana a guida tutarmenti autumatizzata: digni di rilevu sunnu la granni Cittadella edificata ntô 1670 supra pruggettu dû marasciallu Vauban, la place Charles de Gaulle (Chiazza Charles de Gaulle), da tutti chiamata Grand Place, la Vecchia Burza, c'acchiana a lu tempu di l'accupazzioni spagnola (XVII sèculu), e la cattidrali (ncumpiuta) nizziata a mitati di lu XIX sèculu. Locu di ccillenza pâ mùsica è l'Opera, tiatru â taliana di stili niuclàssicu; di preggiu, appoi, videmma la Porte de Paris (Porta di Pariggi) edificata a ricordu di Luiggi XIV, lu municipiu di ricenti custruzzioni câ sô àuta turri e la casa natali dû prisidenti Charles de Gaulle.

Storia[cancia | cancia la surgenti]

Lille fu furtificata a lu principiu di l'XI sèculu di li conti di Fiandra. Ciduta ntô 1312 â Francia, passau appoi sutta la duminazzioni dâ Burgogna, di l'Austria e dâ Spagna; ntô 1713 vinni quinni ristituiuta â Francia. Patìu l'accupazzioni di parti dî truppi tudischi 'n ntrammi l'ùrtimi cunfritti munniali.

Link[cancia | cancia la surgenti]

Culligamenti sterni[cancia | cancia la surgenti]

Autri lucalitati cû stissu nomu[cancia | cancia la surgenti]

Lille è macari lu nomu di na pruvincia belga

Fonti[cancia | cancia la surgenti]

La fonti di st'artìculu è la Uichipidìa Taliana:

http://it.wikipedia.org/wiki/Lille