Liggenni, pirsunaggi, stori e cunti e cosi di Catania.
Nta sta pàggina sù arricugghiuti tanti "cosi di Catania".
Ma picchì "cosi di Catania"?
Picchì nta sta citati, quannu succedi un fattu ca pò èssiri beddu oppuru bruttu, quarchi cosa di pusitivu o di nigativu, qualunqui cosa, si dici "... i cosi di Catania!")
Sù aricugghiuti tanti "cosi di Catania", picchì, na pupulazzioni s'arricanusci pi li cosi ca fà e pi li cosi ca fici, pi li tradizzioni, pi li stori, pi li cunti, pi li liggenni, pi nzoccu mancia, pi nzoccu cridi, pi nzoccu senti, di comu s'addiverti e pi comu chianci.