Liotru

Dâ Wikipedia, la nciclupidìa lìbbira.
(Rinnirizzata di Lu Liotru)
Jump to navigation Jump to search
Lu liafanti (Liotru) è lu sìmbulu dâ cità di Catania

Lu sìmmulu ufficiali dâ cità di Catania è la stàtula di petra làvica dô liafanti, chiamatu dê catanisi Liotru (o Diotru), e a iddu è lijata n'antica liggenna.

La liggenna[cancia | cancia la surgenti]

A liggenna cunta ca quannu a l'èbbica Catania ncunminciau a ghessiri abbitata, tutti l'animali firuci e piriculusi fonu scacciati di n'liafanti e a iddu i catanisi, pi ringraziamentu, ci fìciuru na statua, e a chiamarunu Liotru.

Uriggini dâ palora "Liotru"[cancia | cancia la surgenti]

La palora "Liotru" veni, dô nomu di Eliodoro, mìticu magu catanisi, ca chê sò magarii sfidava la putenza dô Cristianesimu facennu caminari, tra l’àutri cosi, lu liafanti di petra làvica.
Ntô 778, lu magu Eliodoro, vinni scunfiggiutu dô vìscuvu San Leone, lu Taumaturgu, ca lu fici abbruciari vivu trascinànnulu intra nu focu mistiriusu e niscènnuni sanu e sarvu sulu iddu.

Urìggini dâ stàtula dô liafanti[cancia | cancia la surgenti]

Lu Liotru di Catania.jpg

Pi quantu ariquarda l'urìggini e lu picchì dâ stàtula di petra ca oggi s'attrova ntâ chiazza Domu dô 1736, grazzi a Vaccarini, foru fatti tanti ipùtisi e di chissi sulu dui mèritanu di èssiri muntuati: la prima è chidda dô stòricu Petru Carrera di Militeddu (15711647) ca ntô sò libbru Mimorie Historiche di Catania, lu spieca comu nu sìmmulu di vittoria militari dê catanisi sùpira li lìbbici; ss’ipùtisi vinni rapprisintata nta nu tiluni dô tiatru Bellini di Catania, picchì lu pitturi Sciuti ntô 1890, ppi l'inaugurazzioni dû tiatru, addipingiu propiu st’avvinimentu stòricu.
L’ipùtisi cchiù megghiu è pirò chidda dô giògrafu àrabbu Al-Idrisi ntô XII sèculu: secunnu Al-Idrisi, lu liafanti di Catania è na stàtula màggica, custruita ppi tèniri luntanu la lava di l'Etna dâ cità.
St’urtima spiecazzioni è chidda ca pari â megghiu pô Liotru, a cui li catanisi sù divotìssimi, tantu di minazzari na summossa pupulari quannu ntô 1862 si prupuniu di spustari lu Liotru dâ chiazza Domu â luntana chiazza Palestru.

N’àutra vuci , menu rumantica di chiddi sùpira muntuati , ma ca ppi duviri di crònaca purtamu lu stissu, dici ca prubbabbirmenti lu liafantu è d’èbbica bizzantina; nfatti, dopu li nvasioni dê Vannali ntô V sèculu, Catania passau pi tri sèculi sutta li bizzantini, e appoi sutta la duminazzioni di l’ àrabbi, ca chiamaru Catania propiu "Balad-el-fil", o "Medinat-el-fil", zoè "cità dô liafanti".