Gugghiermu I di Sicilia

Dâ Wikipedia, la nciclupidìa lìbbira.
Regnu di Sicilia, 1154.

Gugghiermu I di Sicilia canusciutu puru comu Gugghiermu lu Malu (1120 - 7 di maiu ? 1166), discinnenti nurmannu di l'Altavilla fu re di Sicilia1154 ô 1166. Lu sò regnu fu marcatu di na granni nstabbilità suciali e pulitica.

Biografia[cancia | cancia la surgenti]

Quartu figghiu di Ruggeru II e di Elvira Alfonso di Castiglia, Gugghiermu fu dû 1151 coriggenti e doppu re di Sicilia â morti di sô patri ntô 1154, chi li sò frati cchiù granni avèvunu murutu ntô frattempu. Pari chi didicassi assai dû sò tempu ê piaciri dâ curti, chi cumprinnìa tra l'autri cosi nu harem comu pi li suvrani àrabbi, ntirvinennu pirsunalmenti sulu quannu era nicissariu. Lu 9 di marzu 1161 fu vittima di nu cumplottu chi tintatu di destituirlu, e chi causau la distruzzioni di na gran parti dû patrimoniu artisticu chi avia statu accumulatu. Lu cumplottu capiatu di Matteu Bonellu s'accanisci contra li funziunari arabbi dâ curti. Fu persu gran parti di l'archiviu riali. Lu celibbri mappamunnu d'argentu fattu supra la basi du studiu di Al-Idrisi fu distruutu. Li fimmini dû harem foru viulintati. Lu figghiu Ruggeru fu firitu e morsi quarchi giornu doppu. La rivorta fallisci, ma lu palazzu riali e divastatu. Matteu Bonellu veni arristatu, torturatu e mori quarchi jornu doppu n galera, n sequitu ê firiti dî turturi subbiti.

Munumenta[cancia | cancia la surgenti]

Di Gugghiermu resta òi la Zisa, magnifica risidenza nurmanna a Palermu, cumpritata pòi di Gugghiermu II di Sicilia. La sò tomba s'attrova ntâ navata di manu ritta dû duomu di Murriali.

Pricidutu di:
Ruggeru II di Sicilia
Re di Sicilia Succidutu di:
Gugghiermu II di Sicilia
Mappa storica Storia dâ Sicilia Tempi di Selinunti
pristoria | èbbica finicia | èbbica greca | èbbica rumana | èbbica vànnala | èbbica gòtica | èbbica bizzantina | èbbica àrabba | èbbica nurmanna | èbbica sveva
èbbica angiuina | èbbica aragunisa | èbbica spagnola | èbbica piemuntisa | èbbica burbònica | èbbica cuntimpurània