Autavilla (famigghia)

Li Autavilla (n francisi Hauteville) o Autaviḍḍa èranu na famigghia nurmanna, discinnenti di nu nòbbili nurmannu. Tancredi d'Autavilla ô nizziu di l'unnicèsimu sèculu appi dùdici figghi masculi e diversi figghi fìmmini. Sta prugginitura partìu a circari furtuna ntô sud di l'Italia, comu mircinari alliati dû papa o di lu mpiraturi bizzantinu contra l'àrabbi e li longobbardi. Lu primu dî figghi di Tancredi, Gugghiermu I vrazzu di ferru agghicau nna l'Italia miridiunali dâ Nurmannìa tra lu 1038 e lu 1040, comu mircinari dû ginirali bizzantinu Giorgiu Maniaci.

Trasèru n Sicilia sutta la guida dû cunti Ruggeru, figghiu di Tancredi, chi doppu aviri libbiratu Palermu ntô 1072 funnau nu regnu nurmannu di Sicilia, divintannu lu primu re. Àutri vranchi mpurtanti di sta famigghia foru sò l'ùrtimu figghiu Ruggeru II di Sicilia, e tri vintina d'anni doppu Custanza di Sicilia, chi, maritata a Arricu VI dû Sacru Rumanu Mpiru fu matri di Fidiricu II di Svevia.

	Storia dâ Sicilia
pristoria \| èbbica finicia \| èbbica greca \| èbbica rumana \| èbbica vànnala \| èbbica gòtica \| èbbica bizzantina \| èbbica àrabba \| èbbica nurmanna \| èbbica sveva èbbica angiuina \| èbbica aragunisa \| èbbica spagnola \| èbbica piemuntisa \| èbbica burbònica \| èbbica cuntimpurània