Cummattimentu di Capu Culonna

Dâ Wikipedia, la nciclupidìa lìbbira.
Jump to navigation Jump to search

Lu cummattimentu di Capu Culonna successi lu 13 o lu 14 di giugnettu982 a Capu Culonna, n Calàbbria e uppunìu lu mpiraturi Uttuni II e li sò alliati longobbardi contra l'emiru kalbita di Sicilia Abu al-Qasim.

L'abbinimenti[cancia | cancia la surgenti]

Ô mumentu dî fatti l'emiru avìa dichiaratu na guerra santa contra li girmanici dû Sacru Rumanu Mpiru di Uttuni. Lu mpiraturi s'attruvava n Pugghia e l'emiru n Calabbria. Assicutatu, l'emiru tintau di ritirarisi n Sicilia, ma quannu vitti chi nun putìa ritirarisi, piazzau lu sò esercitu a Capu Culonna, vicinu Crutuni, e aspittau li truppi mpiriali pô cummattimentu.

Lu cummattimentu fu assai duru. Li surdati mpiriali nti nu primu mumentu agghicaru a battiri la guardia di l'emiru, chi fu ammazzatu n cummattimentu, ma li mussurmani si dispuneru n furmazzioni, mittennu n trappula li surdati nimici. Diversi àuti dignitari dâ cualizzioni mpiriali forru ammazzati, e secunnu tistimunianzi storichi, ci foru 4000 morti sulu dû latu dâ cualizzioni mpiriali.

Puru siddu l'emiru fu ammazzatu, lu cummattimentu si cunchiudìu cu la vittoria dî mussurmani. Li truppi mpiriali s'àppiru a ritirari a nord.

Mappa storica Storia dâ Sicilia Tempi di Selinunti
pristoria | èbbica finicia | èbbica greca | èbbica rumana | èbbica vànnala | èbbica gòtica | èbbica bizzantina | èbbica àrabba | èbbica nurmanna | èbbica sveva
èbbica angiuina | èbbica aragunisa | èbbica spagnola | èbbica piemuntisa | èbbica burbònica | èbbica cuntimpurània